Një kek i butë në aromë portokalli dhe i thjeshtë për tu përgatitur. Një ëmbëlsirë që do ju bëjë mëngjesin tuaj te mrekullueshëm.
Kek me reçel portokalli
Sasia: 6 persona
Kalori: 240kcal
Video
Përbërësit
- 300 gr miell
- 100 gr sheqer
- 4 kokrra vezë
- 230 ml kos i bardhe
- 100 gr gjalpë i shkrire
- 100 gr reçel portokalli
- 1 pako maja per ëmbëlsira
- pak sode buke
Përgatitja
- Për kek me reçel portokalli fillojmë duke rrahur vezët se bashku me sheqerin. Shtojmë me pas reçelin e portokallit. I përziejmë së bashku dhe më pas shtojmë edhe kosin e bardhë.
- Në një enë tjetër përziejmë miellin me majanë për ëmbëlsira dhe sodën e bukës. Sitim miellin sipër vezëve dhe e trazojmë të gjithë masën. Tek ëmbëlsira hedhim edhe gjalpin e shkrirë por jo të nxehtë. E trazojmë derisa të arrijmë një mase homogjene.
- Masën e hedhim në një tavë të lyer gjalpë më parë dhe e pjekim në furrë të nxehtë për 30-40 minuta në temperaturën 180°C.
- Ëmbëlsira kek me reçel portokalli është gati. E lemë të ftohet dhe kur e shërbejmë hedhim sipër sheqer pluhur.
Lexoni gjithashtu recetën per kek me arra ose kek me molle
Ju bëftë mirë!
Na ndiqni në Instagram @ArtiGatimit dhe vendosni tag #artigatimit recetat që gatuani!
1 Comment
Komento nga Facebook!