Reçeli i portokallit i përgatitur në shtëpi është me të vërtetë shumë i shijshëm. Ka një aromë të mrekullueshme. Me këtë reçel mund të shoqërojmë pjatanca të ndryshme djathrash, mund të përgatisim torta të shijshme ose mund ta shijojmë me një copë buke të thekur.
Përbërësit për Reçel portokalli
- 1 kg portokalle ( bio nëse është e mundur)
- 1 kg sheqer
- 150 ml ujë
Përgatitja për Reçel Portokalli
Marrim portokallet dhe i lajmë mirë. Më pas i thajmë me kujdes. Me anë të një rendeje pastrojmë cipën e sipërme të portokalles duke e gërryer mirë me kujdes.
Presim portokallet në thela, më katërsh ose në gjashtë pjesë nëse janë të mëdha, ose në copa më të vogla sipas dëshirës.
Pastaj i ziejmë në ujë dy-tre herë derisa të marrin valë. Ujin duhet tija ndërrojmë sa herë i ziejmë.
Në një tenxhere hedhim sheqerin me një gotë uji. Sa të fillojë të ziejë uji shtojmë portokallet. I ziejmë së bashku deri në 30-40 minuta. Më pas reçeli është gati dhe mund ta shërbejmë.
Shoqërojmë reçelin e portokalleve me copa djathi të ndryshëm.
Ju bëftë mirë!
