Receta për brumin e shkrifët ( pasta frolla)

Marrim një grirës elektrik dhe hedhim në të gjalpin e ftohtë të prerë në copa dhe shtojmë edhe miellin e pak kripë.E grijmë masën derisa të arrijmë një masë si rërë.

Më pas hedhim në tavolinën e punës masën dhe i shtojmë të verdhat e vezëve dhe sheqerin pluhur. Sipas dëshirës mund ti shtoni pak lëkurë limoni ose portokalli të grirë hollë.

I përziejmë shpejt të gjithë përbërësit derisa të arrijmë një masë homogjene. Duhet të kemi kujdes që të mos i përziejmë shumë në mënyrë që të mos forcohet brumi. E bëjmë brumin në formë katrore dhe e mbledhim me qese kuzhine. Vendosim brumin në frigorifer për të paktën 30 minuta përpara se ta përdorim.

Më pas marrim brumin i biem pak sipër me okllahi/pec që të zbutet pak e më pas e hapim petën e brumit sipas përdorimit. Nëse do bëjmë një tartë duhet ta hapim petën rreth 3-5 mm, nëse do të bëjmë biskota rreth 1/2 cm. Brumi është gati për përdorim.

(Ne kemi dhënë këtë lloj përgatitje, por nëse ju nuk keni grirës elektrik mund ta përgatisni me dorë duke përzier si fillim gjalpin e ftohtë me miellin e më pas të gjithë përbërësit e tjerë si më sipër. Nëse ju keni një robot elektrik (planetaria) mund ti fusni të gjithë përbërësit në të dhe e përgatisni aty pa u lodhur.)