Musi me kafe është një ëmbëlsirë vërtet e shijshme, e cila është gjithmonë e pëlqyer nga të rinjtë dhe të moshuarit!
Kjo recetë është ideale për ata që admirojnë shijen e kafes. Pas shumë tentativash po ndaj me ju këtë mousse me kafe.
Mousse me kafe dhe çokollatë pluhur
Sasia: 2 persona
Kalori: 70kcal
Përbërësit
- 200 ml pana
- 3 lugë të vogla kafe çasti
- 1 lugë e voglël kakao pluhur
- 2 kokrra vezë
- 50 gr sheqer
- 100 gr çokollatë
Përgatitja
- Ndajmë të verdhat e vezëve dhe të bardhat dhe vendosim të verdhat e vezëve në një enë të madhe dhe të bardhat në enën e mikserit. Tek të verdhat e vezëve shtojmë sheqerin dhe e rrahim derisa të bëhet shkumë dhe me ngjyrë të çelët.
- Shtojmë kafen pluhur së bashku me kakaon dhe i trazojmë më lugë derisa të shkrijë. Vendosim masën për disa çaste në zjarre të ulët dhe e trazojmë vazhdimisht. E lëmë derisa të ftohet masa.
- Rrahim të bardhat e vezëve dhe i vendosim në frigorifer. Rrahim më pas kremin pana derisa të bëhet shkumë. E bashkojmë së bashku me të bardhat e vezëve dhe i trazojmë me kujdes me lugë nga poshtë lartë.
- Në hapin e fundit për të përgatitur mousse me kafe bashkojmë të dy masat së bashku. Hedhim kremin e përgatitur në masën me vezë pjesë pjese duke e trazuar me kujdes nga poshtë lartë.
- Kremi mousse me kafe është gati. E hedhim nëpër gota dhe më pas sipër shtojmë sipas dëshirës çokollatë të grirë pluhur.
Lexoni recetën për Mousse me çokollatë ose Mousse me mjedër.
Ju bëftë mirë
