Kjo është një variant i recetës së shkumës së çokollatës dhe e lehtë sepse nuk përmban pana. Është një ëmbëlsirë shumë e shpejtë dhe e thjeshtë për tu gatuar dhe mbi të gjitha shumë e shijshme.
Shkumë (mousse) me cokollatë
Sasia: 0
Përbërësit
- 6 të bardha vezësh
- 200 gr cokollatë të zezë
- pak kripë
Përgatitja
- Marrim çokollatën, e bëjmë ne copa të vogla dhe e shkrijmë në banjëmaria. E lëmë të ftohet pak.
- Ndërkohë qe çokollata e shkrirë ftohet, hedhim të bardhat e vezëve në një enë qelqi të madhe, i hedhim pak kripë, dhe i rrahim me rrahëse elektrike derisa të arrijmë të kemi një shkumë te bardhë.
- Bashkojmë çokollatën e shkrirë dhe e trazojmë me kujdes me lugë druri, i trazojmë ngadalë gjithmonë nga poshtë lart derisa të bashkohet mirë çokollata me të bardhat e vezëve. Me anën e një luge të vogël, mbushim gotat e qelqit dhe i vëmë në frigorifer për disa orë. Kur ti shërbejmë i zbukurojmë sipas dëshirës.
