Embëlsira
Shkruaj një koment

Sallatë frutash

Përgatitja: 15 min - Sasia: 4

Sallate frutash apo në disa vende kjo recetë merr dhe emrin Macedonia. Tipike për stinën e verës ku një përzierje frutash dhuron shumë freski dhe relaksim. Duhet shumë pak kohë për ta përgatitur dhe mënyrat e shërbimit janë nga më të ndryshmet.


Përbërësit për Sallatë frutash


  • 150g luleshtrydhe

  • 2 kokrra kivi

  • 2 kokrra pjeshkë

  • 1 kokërr limon

  • 2 banane

  • gjysmë pjepri

  • gjysmë ananasi

  • 50g sheqer


Përgatitja

sallate-frutash-macedonia-fruits-salad-recipe-summer-relax

Pasi kemi larë të gjitha frutat, i presim në copëza të vogla katrore. Fillojmë me luleshtrydhet, kivin, pjeshkat, pjeprin, ananasin dhe në fund bananen. Pasi kjo e fundit ka tendence të nxihet. Llojet e frutave mund ti ndryshoni sipas dëshirës, por mos përdorni vetëm fruta të ëmbël. Por nëse e bëni sigurohuni që sheqeri të jetë i një sasie më të ulët.

sallate-frutash-macedonia-fruits-salad-recipe-summer-food

Pasi ti kemi prerë të gjitha frutat, i hedhim në një enë qelqi dhe shtrydhim kokrrën e limonit sipër. Si hap i fundit na ngelet të shtojmë sheqerin dhe e trazojmë të gjithë së bashku. Këshillohet që sallatën e frutave ta lini në një vend të freskët për të paktën 1 orë, kështu frutat zbuten dhe shkëmbejnë shijet.
Mund ta shërbeni ne një kupë qelqi të shoqëruar më akullore ose dhe kështu siç është.

Ju bëftë mirë nga ArtiGatimit.com

Shkruani komentin tuaj - Komente