Pije Cocktails
Shkruaj një koment

Lëng i freskët frutash – Lëng Kajsi

Lëng i freskët frutash, lëng Kajsi, pa konservate dhe ngjyrues kimik. Vetëm me fruta të freskëta. Fruta e kajsisë në këtë periudhë ka arritur pjekjen maksimale dhe është i përkryer për lëng të freskët.

Përbërësit për Lëng i freskët frutash – Lëng Kajsi


  • 1 kg kajsi

  • 1 litër ujë

  • 180 gram sheqer

  • 1 kokërr limon


Përgatitja lëng i freskët kajsi

Për të përgatitur lëng kajsi të freskët, lajmë në ujë të rrjedhshëm frutat dhe i qërojmë. I heqim farën dhe i presim në forma kubike. Frutat e prera i hedhim në një enë ku shtojmë sheqerin dhe ujin. Enën e vëmë në zjarr për 20 minuta.

Gjatë kohës që zien masa do ta trazojmë shpesh herë, duke i hequr shkumën e krijuar. Limonin e shtrydhim në një enë. Vazhdojmë trazojmë dhe heqim shkumën e formuar. Në 5 minutat e fundit shtojmë edhe lëngun e limonit.

Masën e grijmë me një mikser zhytës derisa masa të bëhet një lëng i trashë. Lëngun e kullojmë dhe e hedhim të nxehtë nëpër shishe qelqi të sterilizuara.

Shishet i kthejmë me kapak poshtë derisa të ftohen. Lëng frutash me kajsi është gati për tu servirur. Shoqëroheni me një pjesë ëmbëlsirë ose të freskët më akull pasditeve të nxehta.

Lexo recetën për reçel kajsi, lëng karrote ose lëng dardhe.

Ju bëftë mirë nga artigatimit.com

Shkruani komentin tuaj - Komente