Embëlsira
Shkruaj një koment

Reçel me Kajsi

Janë të shumta recetat për reçel në faqen e Arti Gatimit. Reçel me kajsi i shtohet kësaj liste. Për mëngjes kjo ëmbëlsirë do ju kapi ngarkesën e duhur për një ditë plot energji. Reçelin me kajsi mund ta përdorni edhe për përgatitjen e ëmbëlsira të ndryshe apo krostatave.

Reçel me Kajsi

Përbërësit

  • 1 kg kajsi
  • 500 gr sheqer
  • lëngu i një limoni
  • esencë vanilje

Përgatitja

  • Për të përgatitur reçel me kajsi, frutat duhet të jenë të pjekura. I lajmë mirë në ujë të rrjedhshëm dhe u hiqet bërthama. Më pas kajsitë i thajmë dhe i presim në pjesë të vogla. Kajsitë hidhen në një enë së bashku me masën e sheqerit dhe lëngun e limonit. Nëse do të përdorim stekë vanilje, e ndajmë në gjysmë dhe e shtojmë tek ena. Masën e trazojmë dhe më pas e vendosim në frigorifer për të paktën 5 orë.
  • Pasi ka pushuar e vëmë në zjarr të ngadalshëm, për gati 1 orë duke e trazuar herë pas here. Shtojmë esencën e vaniljes. Gjatë zierjes heqim shkumën që krijohet sipër. Reçel me kajsi është gati kur e shikojmë se ai ka marrë një ngjyrë të artë dhe nëse vendosim pak në pjatë ai ngjitet. Nëse keni termometër kuzhine, bëni kujdes mos të kaloj 100°C.
  • Reçelin me kajsi e hedhim në vazo të sterilizuara dhe i mbyllim fort. Vazot me reçel i vendosim në një tenxhere me ujë të ngrohtë dhe i ziejmë për 5 minuta. Pasi ti nxjerrim nga uji i lemë 1 ditë me kapak poshtë. Më pas i Vendosim në vendin e caktuar larg dritës dhe lagështisë. Reçel me kajsi është gati.

Notes

Përgatitja e reçelit

Të tjera Reçel Portokalli, Reçel Fiku ose Reçel Qershie

Ju bëftë mirë nga Artigatimit.com!

Na ndiqni në Instagram @ArtiGatimit dhe vendosni tag #artigatimit recetat që gatuani!

Lini një Përgjigje

Your email address will not be published. Required fields are marked *


Komento nga Facebook!

Shkruani komentin tuaj - Komente