Reçel me Kajsi

Janë të shumta recetat për reçel në faqen e Arti Gatimit. Reçel me kajsi i shtohet kësaj liste. Për mëngjes kjo ëmbëlsirë do ju kapi ngarkesën e duhur për një ditë plot energji. Reçelin me kajsi mund ta përdorni edhe për përgatitjen e ëmbëlsira të ndryshe apo krostatave.

Reçel me Kajsi

Prep Time20 minutes
Cook Time1 hour
Resting5 hours
Total Time6 hours 20 minutes
Course: Dessert
Cuisine: Mediterranean
Keyword: embelsire
Sasia: 2 vazo
Kalori: 350kcal

Përbërësit

  • 1 kg kajsi
  • 500 gr sheqer
  • lëngu i një limoni
  • esencë vanilje

Përgatitja

  • Për të përgatitur reçel me kajsi, frutat duhet të jenë të pjekura. I lajmë mirë në ujë të rrjedhshëm dhe u hiqet bërthama. Më pas kajsitë i thajmë dhe i presim në pjesë të vogla. Kajsitë hidhen në një enë së bashku me masën e sheqerit dhe lëngun e limonit. Nëse do të përdorim stekë vanilje, e ndajmë në gjysmë dhe e shtojmë tek ena. Masën e trazojmë dhe më pas e vendosim në frigorifer për të paktën 5 orë.
  • Pasi ka pushuar e vëmë në zjarr të ngadalshëm, për gati 1 orë duke e trazuar herë pas here. Shtojmë esencën e vaniljes. Gjatë zierjes heqim shkumën që krijohet sipër. Reçel me kajsi është gati kur e shikojmë se ai ka marrë një ngjyrë të artë dhe nëse vendosim pak në pjatë ai ngjitet. Nëse keni termometër kuzhine, bëni kujdes mos të kaloj 100°C.
  • Reçelin me kajsi e hedhim në vazo të sterilizuara dhe i mbyllim fort. Vazot me reçel i vendosim në një tenxhere me ujë të ngrohtë dhe i ziejmë për 5 minuta. Pasi ti nxjerrim nga uji i lemë 1 ditë me kapak poshtë. Më pas i Vendosim në vendin e caktuar larg dritës dhe lagështisë. Reçel me kajsi është gati.

Të tjera Reçel Portokalli, Reçel Fiku ose Reçel Qershie

Ju bëftë mirë nga Artigatimit.com!

0 Shares
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Bollgur me çokollatë

Një recetë vegane, bollgur me çokollate. Përgatitja e kësaj receta është shume e thjeshte, ideale për okazione speciale dhe te ftuar special. Zgjedhja e çokollatës duhet te jete nga më cilësoret.

Krepa të mbushur me reçel

Krepa të mbushur me reçel për një mëngjes plot energji apo një pasdite plot shije. Rikthehemi më një recetë si të gatuajmë krepa në kushte shtëpie, pasi në faqen tonë gjeni receta të ndryshme për krepa të mbushur.

Receta per Tiramisu

Tiramisuja është ëmbëlsira italiane më e njohur në gjithë botën. Thuhet se kjo ëmbëlsirë e ka origjinën në Siena (Toskanë). Rreth shekullit të XVII disa pastiçierë vendosën të përgatisnin një ëmbëlsirë në nderim të Dukës së Toskanës Cosimo de Medici. Ata menduan të bënin një ëmbëlsirë me përbërës të thjeshtë, por jashtëzakonisht e shijshme. Ka shumë legjenda për origjinën e tiramisusë, por ajo që ka rëndësi është fakti që kjo lloj ëmbëlsire është dhe do të mbetet një nga ëmbëlsirat më të mira italiane.

Receta Macarons me çokollatë

Macaron është një ëmbëlsirë me origjinë franceze. Kjo ëmbëlsirë është e përgatitur me pak përbërës, me bazë meringe, miell bajamesh, të bardha veze dhe sheqer pluhur. Mbushja e këtyre ëmbëlsirave mund të bëhet sipas dëshirës, me çokollatë, marmelatë, kremra të ndryshëm. Në recetën e mëposhtme ne kemi përgatitur versionin me çokollatë.

Receta për Bonbone

Para shumë vitesh, tregu shqiptarë nuk kishte kaq karamele e çokollata sa ka tani. Dhe nënat bënin të pamundurën për të kënaqur dëshirat e fëmijëve. Me ato pak përbërës që gjendeshin në atë kohë mundoheshin të realizonin receta të shijshme. Një nga këto receta ishin edhe bonbonet. E kush nuk e kujton erën e karamelit që mbushte gjithë shtëpinë. Këto bonbone të bëra thjesht me qumësht, sheqer e pak gjalpë ishin një festë për gjithë familjen.