Reçel me Kajsi

Janë të shumta recetat për reçel në faqen e Arti Gatimit. Reçel me kajsi i shtohet kësaj liste. Për mëngjes kjo ëmbëlsirë do ju kapi ngarkesën e duhur për një ditë plot energji. Reçelin me kajsi mund ta përdorni edhe për përgatitjen e ëmbëlsira të ndryshe apo krostatave.

Reçel me Kajsi

Prep Time20 mins
Cook Time1 hr
Resting5 hrs
Total Time6 hrs 20 mins
Course: Dessert
Cuisine: Mediterranean
Keyword: embelsire
Sasia: 2 vazo
Kalori: 350kcal

Përbërësit

  • 1 kg kajsi
  • 500 gr sheqer
  • lëngu i një limoni
  • esencë vanilje

Përgatitja

  • Për të përgatitur reçel me kajsi, frutat duhet të jenë të pjekura. I lajmë mirë në ujë të rrjedhshëm dhe u hiqet bërthama. Më pas kajsitë i thajmë dhe i presim në pjesë të vogla. Kajsitë hidhen në një enë së bashku me masën e sheqerit dhe lëngun e limonit. Nëse do të përdorim stekë vanilje, e ndajmë në gjysmë dhe e shtojmë tek ena. Masën e trazojmë dhe më pas e vendosim në frigorifer për të paktën 5 orë.
  • Pasi ka pushuar e vëmë në zjarr të ngadalshëm, për gati 1 orë duke e trazuar herë pas here. Shtojmë esencën e vaniljes. Gjatë zierjes heqim shkumën që krijohet sipër. Reçel me kajsi është gati kur e shikojmë se ai ka marrë një ngjyrë të artë dhe nëse vendosim pak në pjatë ai ngjitet. Nëse keni termometër kuzhine, bëni kujdes mos të kaloj 100°C.
  • Reçelin me kajsi e hedhim në vazo të sterilizuara dhe i mbyllim fort. Vazot me reçel i vendosim në një tenxhere me ujë të ngrohtë dhe i ziejmë për 5 minuta. Pasi ti nxjerrim nga uji i lemë 1 ditë me kapak poshtë. Më pas i Vendosim në vendin e caktuar larg dritës dhe lagështisë. Reçel me kajsi është gati.

Të tjera Reçel Portokalli, Reçel Fiku ose Reçel Qershie

Ju bëftë mirë nga Artigatimit.com!

105 Shares
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Cheesecake Luleshtrydhe

Cheesecake luleshtrydhe është një ëmbëlsirë e freskët me baze frute, kos dhe panna. Kjo ëmbëlsirë nuk ka nevojë që të piqet. Për përgatitjen e kësaj ëmbëlsirës nevojiten 3 procese, por rezultati është fantastik

Ballakume Elbasani për Ditën e Verës

Ballakume Elbasani është ëmbëlsira tipike e që bëhet për Ditën e Verës, 14 Mars, tashmë festë kombëtare. Ballakumja gatuhej në një enë të madhe bakri, rrihej fort me dorë me një lugë druri dhe piqej në furrë druri.

Kompekaj

Kompekaj është një ëmbëlsirë e njohur shqiptare. Procesi i përgatitjes se kësaj ëmbëlsire mund te duket i komplikuar, por rezultati ja velen ta provoni. Ndiqni gjithashtu video recetën e përgatitur posaçërisht.