Qumështor – Video Receta nga Kuzhina Shqiptare

Qumështor është një nga recetat e vjetra të kuzhinës shqiptare në zonën jugure të vendit. Përgatitja e kësaj ëmbëlsire është shumë e thjeshtë. Shikoni video recetën që kemi përgatitur për qumështor.

Qumështor – Ëmbëlsirë shqiptare

Prep Time20 minutes
Cook Time35 minutes
Total Time55 minutes
Course: Dessert
Cuisine: Albanian
Keyword: embelsire
Sasia: 4 persona
Kalori: 240kcal

Video

Përbërësit

  • 1 L qumësht
  • 6 kokrra vezë
  • 6 lugë gjellë miell
  • 6 lugë gjellë sheqer
  • 30 gr gjalpë
  • pak vanilje

Përgatitja

  • Për të përgatitur këtë recetë nga kuzhina shqiptare, si fillim në një enë qelqi të bollshme hedhim të gjitha vezët. I rrahim lehtë vezët pa qene nevoja të bëhen shkumë.
  • Me pas shtojmë sheqerin dhe i rrahim përsëri. Vezët nuk duhet te marrin shumë ajër, mjafton që masa të përzihet mirë.
  • Miellin e përziejmë më esencën e vaniljes. Nëse jemi duke përdorur shkop vanilje, mjafto që të hedhim farat direkt tek masa për qumështor. Miellin e sitim sipër vezëve të rrahura. E hedhim pjesë, pjesë duke e trazuar.
  • Me pas shtojmë qumështin dhe e trazojmë. Shtojmë edhe gjalpin e shkrire por të ftohur. Shtojmë më pas të gjithë qumështin e mbetur dhe e trazojmë mirë të gjithë masën për qumështor.
  • Hedhim masën e përgatitur në një tavë ku kemi shtruar letër kuzhine. Pjekim qumështorin në180°C për të paktën 35 minuta.
  • Qumështor është gati. Presim të ftohet dhe e ndajmë në pjesë.

Receta të tjera nga kuzhina shqiptare që mund të ndiqni me video revani, sheqerpare apo kompekaj dhe mos harroni te lini komentin tuaj!

Nëse keni përshtypje, sugjerime apo diçka të pa qartë në procesin e recetës, ju ftojmë të na shkruani hapësirën e komenteve më poshtë.

Ju bëftë mirë!

0 Shares
2 comments
  1. Faleminderit per receten! Po e bej tani kete qumeshtor, dhe ka me shume se 45 minuta ne 180C dhe eshte akoma shume e lengshme, nuk eshte trashur fare. Une i ndoqa te gjithe te dhenat pike e presje, dhe masat e sakta, por nuk po me piqet. Gjithashtu, me eshte dashur qe ta bej kete qumeshtor 2 here brenda ores, se fillimisht perdorura te njejten tepsi sic eshte treguar ne video, dhe me leter guzhine; e ne rastin tim me shume se gjysma e qumeshtorit rrodhi jashte tespise dhe u derdh brenda sobes. Verja e letres se guzhines nuk e le rethin e tepsise te puthitet mire me pjesen tjeter, dhe shkakton rrjedhje. Une nuk e di perse kjo po ndodh ne rastin tim, por mendimi in personal eshte se mbase 180C dhe 35 minuta nuk mjaftojne.
    Ju lutem me keshilloni! Faleminderit

    1. Përshëndetjeje Visa, faleminderit për komentin!
      Tava me shtrëngim nuk puthitet mirë, këshilloj letrën ta vendosni në brendësi të tavës, në rast të kundërt duhet te përdorni në tepsi normale.
      Për sa i përket pjekjes, çfarë ngjyre mori lart ëmbëlsira? Furrat e sobës nuk kanë të njëjtin intensitet, kështu në disa mund të duhet pak më shumë. Pjekja duhet gjithmonë të monitorohet dhe minutat janë indikative.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Zupa angleze – Receta Klasike

Zupa angleze pavarësisht emrit është një ëmbëlsirë italiane ku përbërësit kryesorë janë pandispanjë dhe kremi pastiçer. është shumë e përhapur në qendër të vendit por nga zona në zonë kjo ëmbëlsirë ka ndryshime.

Receta për Reçel Ftoi

Ftoi është një frutë shumë i mirë dhe i pasur me shumë vitamina, minerale dhe substanca ushqimore. Këtë frutë mund ta shijojmë të pjekur në furrë ose të bërë reçel o marmelatë.

Receta për Bonbone

Para shumë vitesh, tregu shqiptarë nuk kishte kaq karamele e çokollata sa ka tani. Dhe nënat bënin të pamundurën për të kënaqur dëshirat e fëmijëve. Me ato pak përbërës që gjendeshin në atë kohë mundoheshin të realizonin receta të shijshme. Një nga këto receta ishin edhe bonbonet. E kush nuk e kujton erën e karamelit që mbushte gjithë shtëpinë. Këto bonbone të bëra thjesht me qumësht, sheqer e pak gjalpë ishin një festë për gjithë familjen.