Kompekaj

Kompekaj është një ëmbëlsirë e njohur shqiptare. Procesi i përgatitjes se kësaj ëmbëlsire mund te duket i komplikuar, por rezultati ja velen ta provoni. Ndiqni gjithashtu video recetën e përgatitur posaçërisht.

Kompekaj

Prep Time20 minutes
Cook Time40 minutes
Total Time1 hour
Course: Dessert
Cuisine: Albanian
Keyword: embelsire, kuzhina shqiptare
Sasia: 6 persona
Kalori: 330kcal

Video

Përbërësit

Për brumin e petëve

  • 180 gr miell
  • 60 ml ujë
  • 60 gr gjalpë

Për mbushjen

  • 10 kokrra vezë
  • 170 gr miell
  • 150 gr sheqer
  • 100 gr arra
  • 2 lugë gjelle kakao

Përgatitja

Përgatitja e petëve për Kompekaj

  • Si fillim, nisim me përgatitjen e petëve që do të na duhen për pjesën e sipërme dhe të poshtme të ëmbëlsirës! Hedhim miellin në një enë dhe më pas shtojmë ujin. Në fillim e trazojmë me ndihmën e një luge dhe me pas e ngjeshim me duar. E kalojmë brumin në tavolinën e punës dhe e punojmë derisa të arrijmë një masë homogjene.
  • Me pas e hapim dhe e lyejmë me gjalpë në të gjithë sipërfaqen.E palosim petën tre herë dhe me pas e hapim përsëri. E palosim kësaj radhe ne 4 pjese dhe leme te pushoje për 30 minuta ne frigorifer.
  • Në hapin tjetër brumin e ndajmë në dy pjesë. Gjysmën e brumit e hapim për pjesën poshtë dhe tjetrën për sipër.Lyejmë tavën me gjalpë dhe vendosim në të petën e hapur duke mbuluar anët e tavës.

Përgatitja e mbushjes

  • Si fillim rrahim vezët me sheqerin derisa të arrijmë një masë të fryrë dhe të qëndrueshme.
    Pasi ka përfunduar rrahja, hedhim me kujdes miellin duke e përzier ngadalë nga poshtë lart. Në fund hedhim arrat të lyera me pak miell.
    Mbushja hidhet në tave duke lënë rreth 1/4 e masës në enë. Masës që ngeli i shtojmë kakao. E përziejmë mire dhe më pas e hedhim dhe të në tave.
  • Shtojmë sipër petën tjetër të cilën e lyejmë me kujdes me të verdhë veze.
    Ëmbëlsirën e fusim në furë për pjekje në temperaturën 180°C për 40 minuta.
  • Pasi kompekaj është pjekur, e lemë të ftohet dhe më pas e presim ne copa.
    Me pas vazhdojmë të përgatisim sherbetin.

Përgatitja e Sherbetit

  • Ndiqni videon në vijim për përgaitjen e sherbetit.
    Pasi kemi përgatitur sherbetin dhe ka arritur temperaturën 80-85°C e hedhim sipër ëmbëlsirës. E mbulojmë me kapak ose me letër kuzhine dhe pas disa orës shërbejmë në pjata.

Ju bëftë mirë!

kompekaj-receta-shqip-video-gatime-embelsira
3 Shares
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Kek me kungull të verdhë

Receta për ëmbëlsirë kek me kungull është shpejtë për tu përgatitur dhe shumë e shijshme! Për këtë kek kemi përdorur kungull të verdhë, pasi karakteristikë e tij është se mund të bëhet brumë dhe i jep shumë butësi ëmbëlsirës.

Crème caramel me video

Crème caramel është një nga ëmbëlsirat qe nuk mund ti rezistohet. Vetëm me 3 përbërës kryesor dhe duke ndjekur këshillat në videon që kemi publikuar në kanalin e ArtiGatimit ne Youtube do të përgatisni një recetë fantastike.

Akullore me Vanilje

Periudha e verës është pikërisht stina më e mirë për të shijuar kënaqësinë e akullores. Shumë nga lexuesit e faqes tonë www.artigatimit. com na kanë kërkuar recetën e akullores. Ekzistojnë shumë receta për përgatitjen e akullores, me shije nga më të ndryshmet. Ne po japim recetën më klasike, e kësaj recete ju mund ti shtoni me pas shije çokollate, fruta të ndryshme, etj.

Mini Croissant me çokollatë

Këto mini croissant janë zgjidhja më ë shpejtë kur duam diçka të ëmbël. Të përgatitur më brumin sfoglia, recetë e ngjashme me brioche me nutella. Për këtë recetë mund të përdoret edhe brumi sfogliat i gatshëm nëse nuk e keni përgatitur më parë, recetën e gjeni tek kategoria recetat bazë.