Ju ndodh që ndonjëherë ju shkon mendja për ëmbëlsirë dhe nuk dini se ç’të hani për momentin? Kjo recetë është një recetë e shpejtë. Mjafton një petë, pak nutela dhe një banane dhe do të keni një ëmbëlsirë që do të kënaqë shijet tuaja.

Përbërësit për Petë me nutela e banane

• 1 petë (Kliko këtu për recetën)


• 1 banane


• 150gr krem çokollate ose nutela


• pak sheqer pluhur

Përgatitja

Marrim një tavë dhe shtrojmë një letër furri. Mbi të vendosim petën. Shkrijmë nutellën në banjomaria dhe e hedhim sipër petës. Shtojmë bananen e prerë në copa. Fusim tavën të piqet në furrë 200°C përreth 30 minuta. Më pas kur ëmbëlsira të jetë ftohur hedhim sipër me anë të një site pak sheqer pluhur. E presim në copa dhe e shërbejmë. Mund ta shoqërojmë edhe me akullore.

Ju bëftë mirë