Ekzistojnë shumë variante për përgatitjen e panna cotta-s. Ne kemi zgjedhur versionin më të lehtë që mund ta gatuajnë edhe personat që janë në hapat e para në kuzhinë.
Panna cotta
Sasia: 4 persona
Kalori: 240kcal
Përbërësit
- 500 ml pana të freskët
- 150 gr sheqer pluhur
- 6 gr xhelatin peshku
- pak vanilje
Përgatitja
- Si fillim vendosim xhelatinën e peshkut në ujë të ftohtë. E presim dhe e hedhim në enën me ujë.
- Në një tenxhere hedhim panën, shtojmë sheqerin dhe pak vanilje dhe e vendosim në zjarr. (Nëse nuk ju pëlqen vanilja mund të vendosni një aromë tjetër, lëkurë portokalli ose limoni).
- Lemë masën të nxehet, por jo të ziejë. Sapo shohim që fillon të marrë valë e heqim nga zjarri dhe shtojmë xhelatinën e peshkut të shtrydhur. E trazojmë mirë deri sa të tretet komplet xhelatina e peshkut.
- Më pas e hedhim në kupa të vogla, për një person, të cilat më parë i kemi lagur me pak ujë të ftohtë në mënyrë që kur të ftohet të nxirret më lehtë. Vendosim ëmbëlsirën në frigorifer dhe e lemë përreth 6 orë.
- Më pas marrim kupat dhe i kthejmë në nën pjatë.
- Sipër panna cotta-s i hedhim reçel me fruta pylli ose çokollatë të shkrirë, ose karamel ose e shijojmë kështu siç është.
Ju bëftë mirë!
Shënim:
Kjo recetë përmban xhelatinë peshku (Italisht: colla di pesce, Anglisht: isinglass) që ndihmon në trashësinë e panës.
Për të shoqëruar këtë ëmbëlsirë mund të përgatisim karamel, çokollatë të shkrirë, marmalatë frutash ose gjithçka që na thotë fantazia.
Na ndiqni në Instagram @ArtiGatimit dhe vendosni tag #artigatimit recetat që gatuani!
2 Comments
Komento nga Facebook!