Crème brûlée, shfaqet për herë të parë në një libër recetash franceze, dhe pse origjina ka mundësi të jetë shpikje anglezëve. Anglezët e quajnë “burnt cream”, pra krem i djegur. Le ta zbulojmë si të gatuajmë këtë recetë ëmbëlsire.
Përbërësit për Receta për Krem Brulèe
- 150 ml qumësht
- 350 ml pana
- 5 të verdha veze
- 100 gr sheqer
- 1 pako vanilje
- pak sheqer të papërpunuar
Përgatitja e Crème brûlée
Në një enë bashkojmë qumështin me panën dhe i vendosim në zjarrë. I lëmë derisa të kapin pikën e vlimit. Më pasi i heqim, hedhim vaniljen trazojmë dhe e lëmë të ftohet pak.
Në një enë tjetër mundësisht qelqi apo porcelani, hedhim të verdhat e vezëve me sheqerin dhe me anë të një luge i trazojmë pa bërë shkumë.
Marrim qumështin dhe panën që vluam pak më parë dhe i bashkojmë me vezët dhe sheqerin. I trazojmë mirë me ngadalë.
Ndërkohë ndezim furrin në 180°C.
Përbërjen e marrë e shpërndajmë nëpër kupa të vogla porcelani që durojnë nxehtësi. Creme Brulèe kërkon që të piqet në banjëmaria.
Më përmasat sipër mund të mbushi rreth 5-6 kupa nga 100 ml. Më pas duhet ti vendosim në një tavë, ku duhet ta mbushim me ujë, derisa niveli të arrij tek gjysma e kupave.
Me kujdes e fusim në furë për pjekje për 40-50 minuta, ose derisa sipër të shikoni një ngjyrë të karameltë.
Pasi të jenë pjekur, i marrim kupat dhe i hedhim pak sheqer të pa përpunuar sipër (ose të bardhë). Me anë të një djegësi për kuzhinën, afroni flakën sipër sheqerit sa të karamelizohet. Në alternativë, nëse nuk keni djegës, futini në furrë, duke ndezur pjesën e sipërme të furrit.
Krem Brulèe është gati për tu shërbyer, vizitoni dhe recetën për Krem Karamel.
Ju bëftë mirë nga ArtiGatimit.com
photo via flickr by avlxyz