Kjo tortë i dedikohet të gjitha grave shqiptare kudo janë.

Gëzuar 8 Marsin!

Përbërësit për Torta Mimoza – Ideale për Festen e 8 Marsit

• 600 gr Krem Pastiçier


• 500 gr ananas 1 vazo komposto ananas)


• 1 Pandispanjë


• 500 ml pana ( ajkë qumeshti)


• 1 gotë të vogël Grand Marnier

Video Receta e Tortës Mimoza

Përgatitja e Tortës Mimoza

Marrim pandispanjën dhe me një thikë të madhe presim koren sipër të tortës. Me një thikë të vogël heqim me kujdes pjesën brenda të pandispanjës, dhe e lëmë vecantë, do të na duhet në fund për të bërë lulet e mimozës.

Marrim kremin pasticier dhe e bashkojmë me panën që kemi rrahur paraprakisht me 100 gr sheqer pluhur. Pasi e kemi perzier mirë, heqim vecantë më pak se gjysmën e kremit (do të na duhet për të lyer tortën sipër). Në kremin hedhim ananasin e prerë në copa të vogla, e përziejmë e më pas mbushim tortën brenda me këtë krem, vemë pjesën sipër të pandispanjës dhe e lyejme të gjithë torten me kremin që lamë veçantë. Më pas e zbukurojmë me kujdes me pjesën e brendshme të pandispanjës të cilën e kemi prerë në copa të vogla dhe i kemi dhënë formë të rrumbullaket. E vemë tortën në frigorifer për të paktën 3 – 4 orë. Mund ta shërbejmë me fruta të fresketa sipas dëshirës.