Krapfen – Berliner Receta Origjinale

Krapfen apo Berliner është një ëmbëlsirë tipike e Gjermanisë. Këto pjesë të rrumbullakëta brumi të ardhura skuqen direkt ne vaj të nxehte sipas recetës origjinale dhe sipër i spërkatet sheqer pluhur. Në brendësi mund të mbushem me krem ose me marmelatë.

Krapfen

Prep Time30 minutes
Cook Time20 minutes
Resting1 hour 30 minutes
Total Time2 hours 20 minutes
Course: Dessert
Cuisine: Mediterranean
Keyword: embelsire
Sasia: 6 persona
Kalori: 340kcal

Përbërësit

  • 600 gr miell i fortë
  • 200 gr qumësht
  • 2 kokrra vezë mesatare
  • 90 gr sheqer
  • 40 gr gjalpë i shkrirë
  • 40 gr gjalpë temperaturë ambienti
  • 20 gr rum
  • 16 gr maja birre maja për bukë
  • 10 gr kripë
  • 5 gr esencë vanilje
  • 150 gr krem pastiçier
  • 50 gr sheqer pluhur
  • 200 ml vaj për skuqje

Përgatitja

  • Për të përgatitur krapfen duhet të zgjedhim llojin e miellit të fortë me shumë gluten.
  • Fillojmë duke shkrirë majanë e birrës (fryrës) në qumështin e vakët. Pasi ka shkrirë komplet shtojmë rreth 200 gr miell. E trazojmë mirë brumin e formuar dhe e vendosim enën të pushojë në furrën e sobës për 30 minuta.
  • Ndërkohë në një enë rrahim vezët së bashku me sheqerin. Marrim brumin e formuar dhe fillojmë ta punojmë duke hedhur pak nga pak miell. Hedhim në të edhe vezët e rrahura me sheqerin dhe vazhdojmë ta ngjeshim. Hedhim here pas here miell. Pasi kemi përfunduar miellin, shtojmë në fund kripën se bashku me pak rum dhe esencë vanilje.
  • Në hapin tjetër shtojmë gjalpin. Në fillim hedhim gjalpin e shkrirë dhe me pas gjalpin në temperaturë ambienti. Vazhdojmë të punojmë masën derisa i gjithë brumi të jetë elastik.
  • Mbulojmë masën e brumit për krapfen dhe e lëmë të trefishoj volumin.
  • Pasi është rritur volumi e kthejmë brumin në tavolinën e punës dhe e palosim në tre pjesë. E hapim në petë të trashë dhe me ndihmën e disku presim brumin në rrathë me diametër 8 cm. I vendosim në një tavë dhe i lëmë të fryhen.
  • Vendosim një tigan me vaj te bollshëm në zjarr. Temperatura duhet te jete rreth 180 °C. Provojeni me një copë brumi. Zhytim me kujdes për të skuqur pjesët e brumit të fryra. Pas pak çastesh i kthejmë të skuqen edhe nga ana tjetër.
  • Heqim krapfen dhe i vendosim në një letër për ti thithur vajin. Më pas me një xhep pastiçeri i mbushim me krem dhe sipër ëmbëlsirave hedhim sheqer pluhur.
  • Krapfen janë gati për tu shërbyer.

Receta per krapfen me nutella

Ju bëftë mirë!

0 Shares
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Tiramisu Akullore

Tiramisu akullore është një ëmbëlsire ideale për stinën e verës. Në faqen tonë gjeni edhe recetën për tiramisu klasike edhe tiramisu me luleshtrydhe. Abonohuni në kanalin tonë në YouTube për tu njoftuar mbi recetat e reja.

Petulla me banane

Petullat te përgatitura me banane janë shumë të shijshme dhe pëlqehen si nga fëmijët, ashtu dhe të rriturit. Kjo recetë është shumë e thjeshtë dhe dua të them që në familjen time këto petulla gatuhen shpesh.

Ananas në zgarë

Ananasi në zgarë është një mënyrë ndryshe për të servirur këtë frut ekzotik. është shumë i thjeshtë për tu përgatitur, por në këtë mënyrë do të shijoni me të vërtetë një pjatë të veçantë.

Receta për Bakllava Shqiptare

Bakllavaja është një ëmbëlsirë shumë e njohur në vendet ballaknike dhe jo vetëm. Kjo ëmbëlsirë është e bërë me petë të mbushura me arra, (bajame, lajthi,pistak në disa vende), dhe e regjur me sherbet ose mjaltë në disa vende të tjera. Thuhet që origjina e bakllavasë vjen nga Turqia. Në ditët e sotme kjo ëmbëlsirë është e njohur nga të gjithë.