Krapfen me nutella

Krapfen janë me origjine gjermano-austriake. Është një ëmbëlsirë në formë të rrumbullakët që skuqet e mbushet më pas me marmalate ose krem ose thjesht shërbehen me sheqer pluhur sipër. Ne kemi sjellë krapfen me nutella, një version të kësaj ëmbëlsirë të pjekur në furrë.

Krapfen me nutella janë ëmbëlsira shumë të shijshme. Mund ti përgatisni dhe ti ruani për mëngjes ose mbasditë të shoqëruar me një gotë çaji. 

Krapfen me nutella

Prep Time20 minutes
Cook Time30 minutes
Total Time50 minutes
Course: Dessert
Cuisine: Global
Keyword: biskota
Sasia: 6 persona
Kalori: 130kcal

Përbërësit

  • 450 gr miell
  • 60 gr gjalpë
  • 150 gr qumësht
  • 2 kokrra vezë + 1 të verdhë veze
  • 25 gr maja 
  • 100 gr sheqer
  • nutella 
  • sheqer pluhur

Përgatitja

  • Përgatitjen e brumit mund ta bëni edhe me robotin elektrik.
  • Fillimisht shkrijmë majanë në një gotë me pak qumësht të vakët. E trazojmë ngadalë që të shkrihet komplet.
  • Në një enë qelqi hedhim miellin,vezët,gjalpin e zbutur, majanë e shkrirë qumësht,sheqerin dhe pjesën tjetër të qumështit. Fillojmë ti përziejmë të gjithë produktet.
  • Më pas vazhdojmë të bëjmë brumin mbi tavolinën e punës, derisa të arrijmë një masë elastike dhe të butë. Nëse e shikoni që masa është e qullët shtoni edhe pak miell ose anasjelltas, nëse e shikoni që është shumë e fortë shtoni edhe pak qumësht derisa të arrihet masa e duhur.
  • I japim një formë të rrumbullakët masës së brumit dhe e vendosim në enën e qelqit të pushoj përreth dy orë. Mbulojmë enën me një pecetë të lagur.
  • Brumi duhet të dyfishohet.
  • Më pas marrim brumin dhe e hapim me okllahi një pjesë dhe e bëjmë me trashësi rreth 5 mm. Me një gotë me diametër rreth 8 cm (ose me një rreth inoksi) presim disqe të rrumbullakëta nga brumi.
  • Mbi rrathët e përftuar, me anën e një luge hedhim pak nutella në mes. Me një furçë lagim pak anët e diskut dhe sipër i mbulojmë me një disk tjetër duke e shtypur pak me dorë anash në mënyrë që të mbyllet komplet dhe mos të dalë nutella. Ëmbëlsirat i vendosim në një tavë ku kemi shtruar letër furre. 
  • Lemë ëmbëlsirat të pushojnë në furrë të fikur përreth një orë. Më pas përpara se ti pjekim i lyejmë me ngadalë me furçë me të verdhën e vezës të rrahur me pak qumësht. Vendosim ëmbëlsirat ti pjekim në furrë të nxehtë 180°C përreth 20-30 minuta. Duhet të marrin pak ngjyrë sipër.
  • Pasi janë pjekur i lemë të ftohen pak dhe krapfen me nutella janë gati. Përpara se ti shërbejmë i hedhim sheqer pluhur sipër.

Ju bëftë mirë!

Na ndiqni ne Facebook!

237 Shares
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Kek i thjeshtë

Këtë recetë për kek e ka dërguar një admiruese faqes ArtiGatimit dhe që e falënderojmë pa masë. Nisur nga titulli, kek i thjeshte, mund të përgatitet në një kohë të shkurtër dhe rezultati është mahnitës. Ja se çfarë na duhen.

Fiq të thatë – Pestil

Fiq të thatë në shtresa të holla, ose ndryshe pestil fiku. Pestili është një recetë e vjetër e zonave juglindore të Shqipërisë. Pestiln mund ta përgatitim me çdo lloj fruti. Për përgatitjen e pestilit përdoret fiku i ëmbël i muajit Gusht.

Hallvë fshati – Ëmbëlsirë

Kjo hallvë është një pjatë e 'varfër' dhe e thjeshtë. Këtë recetë na e gatuante gjyshja kur nuk kishte shumë përbërës në dispozicion. Një ëmbëlsire e thjeshtë dhe e mirë sidomos ne ato raste kur keni pak kohe ne dispozicion për te gatuar!

Mini Croissant me çokollatë

Këto mini croissant janë zgjidhja më ë shpejtë kur duam diçka të ëmbël. Të përgatitur më brumin sfoglia, recetë e ngjashme me brioche me nutella. Për këtë recetë mund të përdoret edhe brumi sfogliat i gatshëm nëse nuk e keni përgatitur më parë, recetën e gjeni tek kategoria recetat bazë.