Ciambella me çokollatë është një ëmbëlsirë e shijshme dhe e thjeshtë për tu përgatitur. Kush pëlqen çokollatën duhet ta provoj patjetër edhe këtë ëmbëlsirë.
Ciambella me çokollatë
Përbërësit
- 200 gr sheqer
- 200 gr miell
- 4 vezë
- 100 gr gjalpë
- 60 gr kakao pluhur
- 100 gr çokollatë e zezë ose kokrra çokollate
- 100 ml qumësht
- 1 pako maja për ëmbëlsira
Përgatitja
- Në një enë hedhim vezët dhe sheqerin. Fillojmë ti rrahim me rrahësin elektrik derisa të arrijmë një masë të fryrë si shkumë. Më pas shtojmë miellin e situr të bashkuar me kakaon pluhur e majanë. I trazojmë ngadalë me lugë druri.
- Hedhim në të edhe qumështin. E përziejmë mirë dhe shtojmë gjalpin e shkrirë. Me ngadalë trazojmë masën derisa të bëhet homogjene.
- Në fund shtojmë çokollatën e prerë në copa të vogla ose kokrrat e çokollatës. I përziejmë me kujdes.Hedhim masën e përgatitur në një tavë të lyer me formë të rrembullakët, paraprakisht me gjalpë e miell që të mos ngjitet. Vendosim tavën të piqet në furrë të nxehtë 170°C përreth 30-35 minuta. Më pas e lemë të ftohet torta dhe e presim në copa.
- Servirim tortën në copa dhe e shoqërojmë sipas dëshirës me pak krem pana.
Notes
Përgatitja
Ju bëftë mirë nga ArtiGatimit!
2 comments
ju lumshin duart gjera te mrekullueshme
Kokos i bluar eshte