Kremi pasticier është një ndër kremërat më të përdorur në pasticeri. Këtë lloj kremi e përdorim për të mbushur ëmbëlsira të ndryshme. Është shumë i thjeshtë për tu përgatitur.
Video Recete e Kremit pasticier
Sasia: 6 persona
Kalori: 230kcal
Video
Përbërësit
- 500 ml qumësht
- 6 të verdha vezësh
- 180 gr sheqer
- 70 gr miell
- pak vanilje
Përgatitja
- Ne një tenxhere hedhim më shumë se gjysmën e qumështit, e vëmë për të zjerë, hedhim në të edhe vaniljen. Ndërkohë që qumështi zien, rrahim vezët me sheqerin.
- Qumështin e nxehtë e bashkojmë me pjesën tjetër të qumështit, kështu do të kemi qumësht të vakët dhe e hedhim me ngadale te vezët e rrahura, shtojmë më ngadalë dhe miellin.
- Hedhim masën e përgatitur në tenxhere dhe e ziejmë në zjarr të ngadaltë derisa masa të trashet.
- E heqim nga zjarri dhe e hedhim në një enë që të ftohet dhe e mbulojmë më qese të tejdukshme, duhet të kemi parasysh që qesja duhet të prekë kremin kështu që nuk formohet kore sipër. Pasi ftohet kremin mund ta përdorni sipas dëshirës.
Receta ku mund të përdorni kremin pastiçier mille foglie, krostata me fruta.
4 comments