Embëlsira
Shkruaj një koment

Krostatë me fruta të ndryshme dhe mbushje kremi

Përgatitja: 20 min - Pjekja: 30 min - Sasia: 4 Persona
Krostatë me fruta janë shumë ëmbëlsira të thjeshta për tu përgatitur pasi mund të kombinohen me lloje frutash të ndryshme. Përgatitja e kësaj ëmbëlsirë ndahet ne tre hapa, në fillim do të përgatisim bazën me brumin e shkrifet, kremin dhe sipër frutat.

Krostatë me fruta të ndryshme dhe mbushje kremi

Prep Time20 mins
Cook Time30 mins
Total Time50 mins
Course: Dessert
Cuisine: Mediterranean
Keyword: embelsire
Sasia: 4 persona
Kalori: 160kcal

Përbërësit

Brumi për bazën

  • 250 gr miell
  • 2 kokrra vezë
  • 100 gr gjalpë
  • 70 gr sheqer
  • pak kripë
  • 1 lugë çaji fryrës për ëmbëlsira

Kremi për mbushjen

  • 400 ml qumësht
  • 2 të verdha veze
  • 80 gr sheqer
  • 30 gr niseshte
  • lëkurë limoni për aromë
  • Shurupi për futat

  • 125 ml ujë
  • 80 gr sheqer
  • 1 maj luge e vogël niseshte

Përgatitja

  • Për të përgatitur krostatë me fruta, si fillim miellin e përziejmë më pluhurin fryrës për ëmbëlsira dhe i shtojmë në enë duke i situr. Hedhim dhe pak kripë dhe me pas shtojmë gjalpin e prerë në copa të vogla. Gjalpi duhet të jetë i ftohtë. Me ndihmën e një mikseri elektrik i rrahim të dy përbërësit bashkë derisa të përftohet një masë si rërë.
  • Hedhim sheqerin dhe më pas shtojmë të verdhat e vezës një e nga një. Më pas brumin e punojmë për 5-6 minuta në tavolinë, jo më shumë. Brumin e mbështjellim me qeskë kuzhine dhe e lemë të pushojë për 30 minuta.

Pergatitja e kremit

  • Ndërkohë fillojmë me përgatitjen e kremit. Në një tenxhere vëmë qumështin për të ngrohur në zjarr së bashku me pak lëkurë limoni për aromë. Në një enë tjetër hedhim vezët, sheqerin dhe i trazojmë me anë të një rrahëse vezësh. Më pas shtojmë niseshtenë e situr dhe e trazojmë mirë. Kësaj mase i shtojmë qumështin e ngrohur dhe e trazojmë me shpejtësi.
  • Më pas tenxheren e vëmë në zjarr, për 4-5 minuta dhe kremi është gati. Kremin e hedhim në një pjatë dhe e mbulojmë me qeskë kuzhine,të preki sipërfaqen, në këtë mënyrë nuk krijohët kore sipër.
  • Hapim brumin me okllai, me masë më të madhe se fundi i tavës, rreth 25 cm. Petën e vendosim në fundin e tavës për të pjekur, në formë shporte. Petën e pjekim në furrë të para ngrohur në 180°C për 15 minuta.
  • Pasi piqet peta dhe ftohet hedhim kremin duke e shpërndarë në të gjithë sipërfaqen. Sipër rreshtojmë frutat si në foton e bashkangjitur. Për të dekoruar sipër krostatën përgatitim pak xhelatinë. Niseshtenë, sheqerin, ujin i trazojmë në një ene dhe i vendosim në zjarr për 3-4 minuta. Më pas me xhelatinë e përftuar lyejmë frutat me anë të një furçe.
  • Krostatë më fruta dhe krem është gati dhe mund të serviret duke e prerë në copa dhe shoqëruar sipas dëshirës me akullore.

Lexoni gjithashtu recetën për krostate me reçel kajsie.

Ju bëftë mirë nga Artigatimit.com

Na ndiqni në Instagram @ArtiGatimit dhe vendosni tag #artigatimit recetat që gatuani!

Lini një Përgjigje

Your email address will not be published. Required fields are marked *


Komento nga Facebook!

Shkruani komentin tuaj - Komente