Bakllava me arra që të shkrihet në gojë

Jemi zyrtarisht në muajin më të bukur të vitit, një muaj që pritet gjithmonë me shumë dëshirë. Bashkë me këtë muaj vjen një dëshirë për të gatuar e për të përkëdhelur veten me ushqime të shijshme. Një nga ushqimet tradicionale dhe shumë e shijshme për çdo fundvit është bakllavaja. Receta bakllava me arra është ëmbëlsirë tradicionale e gatuar prej kohësh në Shqipëri.

Bakllava me arra është një version ndryshe nga recetat për bakllava që kemi publikuar në faqen tonë. Procesi është shpjeguar hap pas hapi për ta bërë përgatitjen sa më të lehtë.

Bakllava me arra

Prep Time1 hr
Cook Time3 hrs 30 mins
Total Time4 hrs 30 mins
Course: Dessert
Cuisine: Albanian
Keyword: embelsire, kuzhina shqiptare
Sasia: 12 persona
Kalori: 250kcal

Përbërësit

Brumi Bakllava

  • 1 kg miell
  • 8 kokrra vezë
  • 1 gotë gjalpë
  • pak kripë
  • pak sheqer
  • ujë
  • 1 kg niseshte për hapjen e petëve

Për mbushjen:

  • 1 kg gjalpë
  • 500 gr arra
  • pak vaj

Për sherbetin

  • 1.5 kg sheqer
  • 1 l ujë
  • lëng limoni

Përgatitja

Përgatitja e petëve për bakllava

  • Në një enë të madhe hedhim të gjithë miellin, i hedhim 7 të verdha vezësh dhe një vezë të plotë. I përziejmë të gjitha dhe i hedhim gjalpin e shkrirë dhe e punojmë të gjithë brumin.
  • Nqs brumi nuk bashkohet i hedhim pak ujë të ngrohtë për të bërë një masë sa më të plotë dhe homogjene dhe e punojmë për 15 min.
  • E mbulojmë me një qeskë kuzhine dhe e lëmë të qetësohet për 30 min.
  • Për të hapur petët brumin e ndajmë në 4 pjesë të barabarta. Njërën nga këto masa ndahet në rreth 20 pjesë të vogla.
  • Fillimisht i hapim rreth 10 cm dhe në çdo petë hedhim niseshte që mos ngjitet me petën tjetër. Petët i ndajmë nga 10 toptha dhe i hapim të gjitha bashkë për të bërë një petë sa masa e tepsisë.

Mbushja e bakllavasë

  • Në çdo shtresë që vendoset në tepsi i hedhim arra. Këtë proces e bëjmë deri në përfundim të brumit.
  • Pasi vendosim të gjithë brumin dhe arrat e presim në pjesë të vogla drejtkëndore dhe i hedhim të gjithë gjalpin e shkrirë.
  • Pjekim tavën me bakllava me arra në 160 grade C për rreth 3 ore e 30 min. Furra nuk është e nevojshme të nxehet paraprakisht.
  • Pjekja është përfunduar kur ndahet peta nga peta.

Sherbetosja e bakllavasë

  • Pasi bakllava me arra është pjekur, përgatisim sherbetin duke hedhur të gjithë përbërësit e një enë përveç lëngut limonit.
  • Pasi sherbeti ka filluar të ziej shtojmë lëngun e limonit dhe e heqim nga zjarri.
  • Shtojmë sherbetin e nxehtë sipër bakllavasë duke bërë kujdes dhe e lëmë për të paktën 24 orë.

Bakllava me arra është gati. Vendosim pjesë nga bakllava në pjatë dhe e shërbejmë.

Lexoni receta e tjera për bakllava:

Ju beftë mirë dhe Gëzuar Festat!

120 Shares
2 comments
  1. 5 stars
    Cdo gati qe kam lexuar tek faqa juaj jam e kenaqur nga Resultati i tyre. Ju falenderoj per sygjerimet dhe mesimet qe na jeni per te gatuar

Lini një Përgjigje

Adresa juaj email s’do të bëhet publike.

Recipe Rating




You May Also Like

Krem çokollate (krem ganash)

Kremi ganash është një lloj kremi me përbërje çokollate e pana, i cili gjen një përdorim të gjerë në pastiçeri. Me të mund të zbukurojmë e mbushim torta të ndryshme, por mund edhe ta shijojmë ashtu siçështë duke i hedhur sipër biskota të shtypura ose lajthi e arra.

Receta për Bonbone

Para shumë vitesh, tregu shqiptarë nuk kishte kaq karamele e çokollata sa ka tani. Dhe nënat bënin të pamundurën për të kënaqur dëshirat e fëmijëve. Me ato pak përbërës që gjendeshin në atë kohë mundoheshin të realizonin receta të shijshme. Një nga këto receta ishin edhe bonbonet. E kush nuk e kujton erën e karamelit që mbushte gjithë shtëpinë. Këto bonbone të bëra thjesht me qumësht, sheqer e pak gjalpë ishin një festë për gjithë familjen.

Kek me dy ngjyra

Kek me dy ngjyra lë të kuptosh se duhet të përgatisim dy brumëra të ndryshëm, por në fakt kombinimi i ngjyrave është vetëm në fund. Le të shikojmë së bashku përgatitjen e kësaj ëmbëlsire.

Quesada pasiega – Ëmbëlsirë Spanjolle

Kjo ëmbëlsirë është me origjinë spanjolle dhe shumë e ngjashme me Qumështorin shqiptar. Ka shumë versione të saj ku në disa raste përdoret pana me qumësht dhe disa të tjera vetëm djathë i freskët. Ne kemi sjellë atë me pak djathë të freskët dhe qumësht.

Petulla me banane

Petullat te përgatitura me banane janë shumë të shijshme dhe pëlqehen si nga fëmijët, ashtu dhe të rriturit. Kjo recetë është shumë e thjeshtë dhe dua të them që në familjen time këto petulla gatuhen shpesh.