Petulla me banane

Petullat te përgatitura me banane janë shumë të shijshme dhe pëlqehen si nga fëmijët, ashtu dhe të rriturit. Kjo recetë per petulla është shumë e thjeshtë. Dua të them që në familjen time këto lloj petulla gatuhen shpesh.

Petulla me banane

Course: Appetizer
Cuisine: Albanian
Keyword: petulla
Sasia: 4 persona
Kalori: 230kcal

Video

Përbërësit

  • 2 banane të pjekura mirë
  • 1 lugë lëng limoni
  • 200 gr miell
  • 50 gr sheqer
  • 1 kokrra vezë
  • 30 gr gjalpë
  • 150 ml qumësht
  • pak kripë
  • 1 lugë kafeje maja për ëmbëlsira
  • 250 ml vaj për skuqje
  • pak sheqer pluhur për sipër

Përgatitja

  • Si fillim qërojmë bananet dhe i shtypim mirë me pirua ose ne grirësin elektrik. I hedhim sipër lëngun e limonit që të mos nxihen.
  • Në një enë qelqi hedhim gjalpin e shkrirë dhe sheqerin. I trazojmë mirë e më pas shtojmë vezën. I përziejmë mirë derisa të bashkohen të gjithë përbërësit. Shtojmë dhe bananen e shtypur. Hedhim qumështin ngadalë.
  • I përziejmë mirë. Më pas pak nga pak hedhim miellin e situr të përzier me majanë. I përziejmë mirë që të mos krijohen kokrriza dhe derisa të arrijmë një masë homogjene dhe të lëngshme. Duhet që masa të shkëputet nga luga, (nëse është më e fortë shtoni akoma qumësht dhe e kundërta nëse e shikoni shumë të lëngshme, shtoni pak miell).
  • Hedhim vajin në një tigan të thellë dhe e lemë të nxehet. Kur vaji ka arritur temperaturën e duhur hedhim me ndihmën e një lugë brumin pak nga pak. Marrim me lugë aq brumë sa të krijohen toptha të vegjël. Skuqeni përreth 3 minuta e më pas nxirreni e hidheni në pjatancë.
  • Sipër petullave me banane u hedhim sheqer pluhur ose nëse doni diçka akoma më të shijshëm shtojini copa të vogla çokollate. Kështu që nxehtësia e petullave do të shkrijë çokollatën dhe ju nuk do të mund t’ju rezistoni dot.

Lexoni recetën petulla me kos

petulla-me-banane-receta-gatimi-arti-food-fresh-desserts-traditional

Ju bëftë mirë!

193 Shares
Lini një Përgjigje

Adresa juaj email s’do të bëhet publike.

Recipe Rating




You May Also Like

Kek me qumësht

Kek me qumësht është një recetë gatimi shumë e thjeshtë që mund ta shërbejmë në mëngjes ose mbasditeve të shoqëruar me një çaj ose kafe. Kjo ëmbëlsirë është shumë e mirë edhe për fëmijët.

Japrak me gjethe rrushi

Japrak me gjethe rrushi është një pjate shumë e shijshme dhe ideale për këtë periudhë të vitit. Japrakët mund ti gatuajmë edhe me gjethe lakrash të ndryshme, por shija e tyre e veçantë është të gatuhen me gjethet e njoma të hardhisë së rrushit.
kek me dardha cokollate

Kek me dardha dhe çokollatë

Kjo recete për kek me dardha dhe çokollate është dërguar nga Loreta, një fanse e Artigatimit në Facebook. Embëlsirë është shumë e shijshme sepse dardha me çokollatën është një binom perfekt.