Gatime Unike, Receta për Fëmijë, Receta Vegjetarjane
comments 13

Byrek i mbushur në formë lule

Receta e këtij byreku na ka ardhur nga një lexuese e rregullt e faqes tonë, Edona të cilën e falenderojmë. Eshtë me të vërtetë një byrek jo vetëm i shijshëm por edhe i bukur në pamje. Mund ta shërbejmë mbasdite për fëmijët ose për një aperitiv me miqtë. Jam e sigurt që të gjithë do të ngelen të kënaqur nga ky byrek. Në këtë rast ne e kemi mbushur me djathë e gjizë, por gjithsecili mund ta mbush sipas dëshirës e fantazisë.

Byrek i mbushur në formë lule

Përbërësit

  • Përbërësit për brumin

  • 200 ml kos të bardhë
  • 200 ml qumësht
  • 2 vezë
  • 1 filxhan vaj ulliri
  • 1 pako maja për bukë
  • 800 gr miell
  • pak kripë
  • pak vaj ulliri
  • Përbërësit për mbushjen

  • 200 gr djathë i bardhë
  • 100 gr gjizë
  • Përbërësit për lyerjen

  • 1 vezë
  • 50 gr djathë të grirë

Përgatitja

  • Fillojmë të përgatisim brumin duke hedhur miellin në një tepsi. E hapim në mes dhe hedhim pak kripë, vezët e fillojmë ta përziejmë. Shtojmë me radhë vajin, qumështin e më pas kosin. Në fund shtojmë majanë të cilën e kemi shkrirë paraprakisht me pak qumësht. E ngjeshim mirë brumin përreth 15 minuta derisa të arrijmë një masë homogjene. E vendosim brumin në tepsi dhe e lemë të pushojë përreth 30 minuta.
  • Pasi ka pushuar brumi, e marrim dhe e ndajmë në dy pjesë. I hapim pjesët në dy petë. Një petë e shtrojmë në tepsi ku kemi shtruar një letër furri. E mbushim petën sipër me djathin e shtypur të përzier me gjizën. E mbulojmë sipër me petën tjetër. Duhet të kemi kujdes që të puthiten mirë të dyja petët. Me një thikë fillojmë të presim byrekun në katër pjesë, cdo çerek cope e ndajmë më katërsh. Do të kemi kështu gjithsej 16 copa. Duke pasur kujdes që të mos shkëputen nga tepsia, e dredhim çdo pjesë në vetvete dhe i bashkojmë dy e nga dy sikur të ishte një gërshet. Do të kemi kështu 8 gërsheta brumi. E lyejmë sipër byrekun me vezën e rrahur dhe i hedhim sipër djathin e grirë.
  • Vendosim tavën në furrë të nxehtë 200°C dhe e pjekim përreth 35-40 minuta, derisa të shohim që pjesa sipër ka marrë një ngjyrë të bukur të verdhë në kafe. Njerrim tavën nga furri, e lemë të ftohet pak e më pas e shërbejmë.

Notes

Përgatitja

Ju bëftë mirë, presim të tjera receta nga lexuesit!

byrek-lule-receta-gatimi-arti-kuzhines-portali-shqip-gjize-tradicionale-furre

Na ndiqni në Instagram @ArtiGatimit dhe vendosni tag #artigatimit recetat që gatuani!

13 Comments

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating





Komento nga Facebook!

Enter your comment - Comments