Receta për byrek me gjizë

Byreku është një pjatë e shijshme dhe shumë e njohur në Shqipëri. Mund ta përgatisim byrekun në shumë mënyra. Ne sot në kemi përgatitur byrek me gjize e vezë.

Receta për byrek me gjizë

Përbërësit

  • 300 gr miell
  • 1 filxhan kafeje vaj ulliri
  • 200 ml ujë të vakët
  • pak kripë
  • Përbërësit për mbushjen

  • 250 gr gjizë lope
  • 2 vezë
  • 1 filxhan kafeje qumësht ose kos
  • 2 lugë gjelle vaj ulliri ose gjalpë i shkrirë

Përgatitja

  • Si fillim përgatisim brumin. Përziejmë miellin me vajin, kripën dhe ujin e vakët. Fillojmë e i përziejmë mirë. Nëse shohim që brumi është pak i ujshëm mund të shtojmë pak miell, ose në të kundërt nëse shohim që brumi është i ngurtë shtojmë pak ujë të vakët. Brumi duhet të jetë homogjen dhe i njëtrajtshëm.
  • Lemë brumin të qetësohet përreth 30 minuta në një enë qelqi të mbuluar me një pecetë. Më pas e ndajmë brumin në 10 copa ose topa të vegjël . Hapim petët me diametër rreth 10 cm. Pastaj vendosim pese petë mbi njëra tjetrën duke i lyer pak me vaj që të mos ngjiten. Fillojmë e i hapim petët sa madhësia e tepsisë. Përsërisim të njëjtën gjë me pesë petët e tjera.
  • Lyejmë tepsinë me gjalpë dhe shtrojmë pesë petë poshtë. Në mes hedhim mbushjen ku në një enë qelqi kemi hedhur e përzier mirë gjizën, qumështin ose kosin, vajin ullirit e vezët. Hedhim mbushjen në mes, e shtrojmë mirë me lugë. Sipër shtojmë pesë petët e tjera. Duhet të kemi kujdes që ti përputhen mirë petët e sipërme me ato poshtë.
  • Fusim ta pjekim tepsinë në furrë të nxehtë 200°C përreth 30 minuta. Më pas e lemë të ftohet pak në furrë. Më pas e nxjerrim dhe e presim në copa. E shërbejmë byrekun me gjize të ngrohtë.

Notes

Përgatitja - Byrek me Gjize

Ju bëftë mirë nga ArtiGatimit.com!

Receta-byrek-gjize-gatime-shqiptare-tradicionale-2

4 Shares
2 comments
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Super Qofte e mbushur

Kjo është një pjatë për gjithë familjen. E kush nuk i pëlqen qoftet!Në këtë recetë ne japim një mënyrë të veçantë për ti përgatitur ato: një qofte rolè e mbushur brenda me djathë e proshutë. Një recetë e shpejtë dhe sidomos e shijshme.

Byrek me patate

Byrek me patate është një recetë tradicionale shqiptare dhe ka një shije të pasur edhe të veçantë. Mund të shërbehet si pjatë unike ne festa ose piknik, absolutisht për tu provuar.

Byrek i mbushur në formë lule

Receta e këtij byreku na ka ardhur nga një lexuese e rregullt e faqes tonë, Edona të cilën e falenderojmë. është me të vërtetë një byrek jo vetëm i shijshëm por edhe i bukur në pamje. Mund ta shërbejmë mbasdite për fëmijët ose për një aperitiv me miqtë. Jam e sigurt që të gjithë do të ngelen të kënaqur nga ky byrek. Në këtë rast ne e kemi mbushur me djathë e gjizë, por gjithsecili mund ta mbush sipas dëshirës e fantazisë.

Receta per Lazanjë

Lazanja është një pjatë tipike e Italisë e në mënyrë të veçantë e zonës së Bolonjës. Kjo pjatë është e njohur tashmë jo vetëm në këtë zonë, por në mbarë botën. Lazanjë është një pjatë e parë, 'e pasur' dhe e shumë e shijshme.