Japrak me mish është një versin tjetër i recetës japrak me gjethe rrushi. Kjo recetë përgatitet në pranverë kur gjethet janë të njoma. Por edhe më vonë ne mund te përdorim gjethe nga majat e hardhive të rrushit.
Receta Japrak me Mish të grirë
Sasia: 4 persona
Kalori: 190kcal
Përbërësit
- 40-50 gjethe hardhie rrushi
- 500 gr mish vici i grirë
- 200 gr oriz
- 400 ml ujë
- 4-5 qepë të njoma
- 50 ml vaj ulliri
- kripë
- piper
- mendrës
- kopër
Përgatitja
Përgatitja e mbushjes për japrak me mish
- Për të përgatitur japrak me gjethe rrushi sigurohemi që gjethet janë të freskëta dhe të njoma, është shumë e rëndësishme pasi receta nuk del e realizuar.
- Lajmë mirë gjethet e hardhisë në ujë të rrjedhshëm dhe i lemë për gati 2 minuta në ujë të valuar. I kullojmë dhe i hapim në tavolinë.
- Në një enë me pak vaj ulliri hedhim mishin dhe e kaurdisim në zjarr të ngadalshëm. Pasi e shikojmë që mishi është bërë duke i shtuar edhe pak ujë që të ziej mirë. Më pas shtojmë qepët e prera hollë duke vazhduar kaurdisjen. Më pas shtojmë orizin, pak kripë, erëzat dhe i përziejmë mirë të gjithë përbërësit.
Mbushja e japrakëve më mish
- Në fund të enës ku do ziejmë japrakët vendosim disa gjethe hardhie. Më pas mbushim gjethet me anë të një luge me masën që përgatitëm.
- Japrakët më mish mbështjellim duke i dhënë formë gjatësore ose mund ti palosim sipas dëshirës, mjafton që mbushja mos të dali. Nëse gjethet janë të vogla mund të vendosim dy gjethe së bashku.
- Japrakët e përgatitur i vendosim njëri mbi tjetrin në 2-3 shtresa në enë. U vendoset sipër një pjatë dhe hedhim ujin e nxehtë. Mbulohet ena me kapak dhe i lemë të ziejnë në zjarr të ngadalshëm për 20 minuta. Japrakët me mish i heqim nga zjarri dhe i lemë për gati 10 minuta me kapak mbuluar.
- Japrak me mish janë gati, gjatë servirjes japrakët mund ti shoqërojmë me salca të ndryshme.
Receta bazë për japrak pa mish.
Ju bëftë mirë!
Na ndiqni në Instagram @ArtiGatimit dhe vendosni tag #artigatimit recetat që gatuani!
Komento nga Facebook!