Gatime Unike, Receta me Mish
Komente nga Fb - Shkruaj një koment

Musaka me lakër të bardhë

Përgatitja: 30 min - Pjekja: 20 min - Sasia: 4 Persona Persona

Lakra e bardhë ka shumë lëndë ushqyese të cilat janë të vlefshme për trupin e njeriut. Kjo recetë musaka me lakër i përmbledh në një pjatë të vetme vitaminat se bashku me proteinat. Lakra e bardhë ka shumë vlera ushqyese kur përdoret e pa gatuar, megjithatë lakra ka një përdorim të gjerë në kuzhinën tonë.

Përbërësit për Musaka me lakër të bardhë


  • 800 gr lakër e bardhë (1 kokë)

  • 300 gr presh

  • 1 kokërr qepë

  • 2-3 karrota

  • 100 gr oriz

  • 400 gr mish i grirë

  • mëndërz (nenexhik)

  • piper

  • kripë
  • Përbërësit për beshamel

  • 500 mL qumësht

  • 100 gr gjalpë

  • 2 vezë

  • 100 gr miell

  • arrë muskat

Përgatitja e musakas

Në fillim pastrojmë dhe lajmë të gjitha perimet. Grihet lakra në fije jo shumë të holla, grihet preshi rrath – rrath, grihen karrotat dhe i hedhim në një tenxhere me dy lugë vaj ulliri dhe dy – tre lugë ujë dhe pak kripë.

I lemë të zbuten në zjarr të ngadalshëm të mbuluara me kapak duke i trazuar disa herë.
Në një enë tjetër grijmë qepën, kaurdiset pak me vaj ulliri derisa të skuqet dhe pastaj hedhim mishin. E kaurdisim së bashku me qepën.

musaka - receta gatimi shqiptare

Hedhim ujë të ngrohtë, orizin dhe i lemë të ziejnë.
E rregullojmë mishin me kripë dhe erëza dhe ndërkohë lakra me preshin ka zierë. E rregullojmë edhe këtë me kripë dhe erëza.
Në një tavë të lyer me vaj ulliri hedhim gjysmën e lakrave duke e hapur në të gjithë tavën.
Sipër hedhim mishin e grirë dhe orizin duke e hapur edhe këtë në gjithë sipërfaqen e lakrës. Mbi këtë hedhim, gjysmën tjetrës të lakrës.

musaka - kuzhina shqiptare

Në fund të gjithë sipërfaqen e tavës do ta mbulojmë me beshamel. Lexo recëten e detajuar për beshamel.
Tavën e futim në furrë të nxehur për 20 minuta në temperaturën 220 gradë
Tava me musaka lakër është gati kur sipërfaqja të marrë ngjyrë të verdhë me te kuqe .

Ju bëftë mirë nga Arti Gatimi

Receta Gatimi

Shkruani komentin tuaj - Komente