Musaka me lakër të bardhë

Lakra e bardhë ka shumë lëndë ushqyese të cilat janë të vlefshme për trupin e njeriut. Kjo recetë musaka me lakër i përmbledh në një pjatë të vetme vitaminat se bashku me proteinat. Lakra e bardhë ka shumë vlera ushqyese kur përdoret e pa gatuar, megjithatë lakra ka një përdorim të gjerë në kuzhinën tonë.

Musaka me lakër të bardhë

Prep Time30 minutes
Cook Time30 minutes
Total Time1 hour
Course: Main Course
Cuisine: Albanian
Keyword: gjelle
Sasia: 4 persona
Kalori: 320kcal

Përbërësit

  • 800 gr lakër e bardhë 1 kokë
  • 300 gr presh
  • 1 kokërr qepë
  • 2-3 karrota
  • 100 gr oriz
  • 400 gr mish i grirë
  • mëndërz nenexhik
  • piper
  • kripë

Përbërësit për beshamel

  • 500 mL qumësht
  • 100 gr gjalpë
  • 2 kokrra vezë
  • 100 gr miell
  • arrë muskat

Përgatitja

  • Në fillim pastrojmë dhe lajmë të gjitha perimet. Grihet lakra në fije jo shumë të holla, grihet preshi rrath – rrath, grihen karrotat dhe i hedhim në një tenxhere me dy lugë vaj ulliri dhe dy – tre lugë ujë dhe pak kripë.
  • I lemë të zbuten në zjarr të ngadalshëm të mbuluara me kapak duke i trazuar disa herë.
  • Në një enë tjetër grijmë qepën, kaurdiset pak me vaj ulliri derisa të skuqet dhe pastaj hedhim mishin. E kaurdisim së bashku me qepën.
  • Hedhim ujë të ngrohtë, orizin dhe i lemë të ziejnë.
  • E rregullojmë mishin me kripë dhe erëza dhe ndërkohë lakra me preshin ka zierë. E rregullojmë edhe këtë me kripë dhe erëza.
  • Në një tavë të lyer me vaj ulliri hedhim gjysmën e lakrave duke e hapur në të gjithë tavën.
  • Sipër hedhim mishin e grirë dhe orizin duke e hapur edhe këtë në gjithë sipërfaqen e lakrës. Mbi këtë hedhim, gjysmën tjetrës të lakrës.
  • Në fund të gjithë sipërfaqen e tavës do ta mbulojmë me beshamel. Lexo recëten e detajuar për beshamel.
  • Tavën e futim në furrë të nxehur për 20 minuta në temperaturën 220 gradë
  • Tava me musaka lakër është gati kur sipërfaqja të marrë ngjyrë të verdhë me te kuqe .

Lexoni gjithashtu recetën për musaka me patate.

Ju bëftë mirë nga Arti Gatimi

3 Shares
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Muamar orizi me pulë dhe arra

Kjo është një recete gatimi shume e shijshme dhe tepër e veçante për tryezën e çdo amvisi. Përgatitja është shumë e thjeshtë dhe e shpjeguar me detaje në vazhdim. Këtë pjatë mund ta vendosni në qendër të tryezës dhe komplimentet nuk do të mungojnë.

Tavë me bathë e kumbulla

Batha, kjo bimë bishtajore është e përbërë pothuajse e gjitha nga ujë dhe në pjesë të vogla nga karbohidrate, proteina e fibra. është e pasur me kripëra minerale e vitamine të grupit B. Midis të gjitha bishtajoreve të tjera, bathët janë të vetmet që kanë më pak kalori. Receta që ne sjellim është e thjeshtë dhe me një shije të veçantë sepse është ndërthur ëmbëlsia e kokrrave të bathës së freskët me thartësinë e kumbullës.

Japrak me gjethe rrushi

Japrak me gjethe rrushi është një pjate shumë e shijshme dhe ideale për këtë periudhë të vitit. Japrakët mund ti gatuajmë edhe me gjethe lakrash të ndryshme, por shija e tyre e veçantë është të gatuhen me gjethet e njoma të hardhisë së rrushit.

Petulla të shpejta

Petullat janë vërtet të shijshme kur i shijon të sapo gatuara me mjaltë sipër e kanellë. Janë të shumta recetat e petullave, por ne sot po ju sugjerojmë një recetë shumë të shpejtë e të thjeshtë. Mund ta gatuani në mëngjes apo pasdite për familjen tuaj.