Thuhet që salca beshamel merr emrin nga shpikësi i saj qe quhej Louis de Béchameil, markez i Nointel, chef ne hotelin e Louis XV në Francë. Nga fundi i shekullit të XVIII salca béchameil mori emrin béchamelle.
Salca beshamel
Sasia: 4 persona
Kalori: 200kcal
Video
Përbërësit
- 1 L qumësht
- 100 gr gjalpë
- 100 gr miell
- pak kripë
- pak arrë moskat
Përgatitja
- Fillojmë përgatitjen e beshamelës duke vënë në një tenxhere gjalpin, e vëmë në zjarr dhe e lëmë të shkrijë, më pas hedhim miellin me sitë, e trazojmë me kujdes në mënyrë që të mos krijohen kokërrza. E lëmë në zjarr derisa mielli të marrë një ngjyrë lajthie të hapur.
- Pastaj e heqim nga zjarri dhe i hedhim qumështin e vakët, e trazojmë fort dhe e vëmë përsëri tenxheren në zjarr të ulët.
- Duhet të kemi kujdes që mos të ngjitet ne fund, duhet ta trazojmë shpesh. E lëmë në zjarr përreth 15-20 minuta, derisa të shohim që salca është trashur.
- Salca beshamel është gati dhe mund ta përdorim për të gjitha recetat tona.
Gatim të mbarë!
Lexoni gjithashtu: Receta per Lazanja
2 comments
shuuummmmmmmmmmmmmmmm e mir