Kulaç me salsiçe

Kulaçi i mbushur me salsiçe është shumë i shijshëm. I prerë në copa katrore mund ta shërbejmë si antipastë ose e servirim pasditeve.

Kulaç me salsiçe

Përbërësit

  • 500 gr miell
  • 300 gr salsiçe të freskëta
  • 100 gr djathë kaçkavall
  • 100 gr vaj ulliri
  • 5 gr kripë

Përgatitja

  • Hedhim miellin në tavolinën e punës dhe hapim një gropëz. Hedhim në të pak kripë, 70 ml vaj ulliri dhe shtojmë ngadalë ngadalë rreth një gotë e gjysmë ujë të vakët (rreth 250 ml ujë).
  • Zëmë brumin mirë derisa të gjithë përbërësit të jenë bashkuar dhe të arrijmë një masë homogjene. Brumin e zënë e vebdosim në një enë qelqi, e mbulojmë me një pecetë të pastër dhe e lemë të qetësohet përreth 2 orë në një vend ku të mos ketë korrent ere.
  • Ndërkohë presim salsiçet në copa. I hedhim në një enë ku shtojmë pak vaj ulliri, djathin kaçkavall në copa. I trazojmë mirë bashkë. Pasi kanë kaluar 2 orë, ndajmë brumin në dy pjesë. Hapim një pjesë të brumit në petë dhe e shtrojmë në një tavë të lyer me pak vaj ulliri. Hedhim sipër përbërjen me salsiçen, duke e hapur mirë në gjithë petën.
  • Vendosim sipër petën tjetër dhe mbyllim mirë anët. Hedhim sipër pak kripë dhe vaj ulliri. Me anë të një piruni shpojmë mirë gjithë sipërfaqen e kulaçit, në këtë mënyrë del i gjithë ajri i krijuar brenda. Kështu del lagështira e krijuar dhe piqet më mirë.
  • Vendosim tavën në furrë të nxehtë 180*C dhe e pjekim derisa të shohim që sipër kulaçi ka marrë një ngjyrë të bukur të artë. Pasi është pjekur e lemë të ftohet kulaçi e më pas e presim në copa.
  • Shërbejmë kulaçin me salsiçe të ngrohtë.

Notes

Përgatitja

Ju bëftë mirë!

kulac-buke-bere-vete-shtepi-receta-gatimi-shqip-e

kulac-buke-bere-vete-shtepi-receta-gatimi-shqip-f

179 Shares
Lini një Përgjigje

Adresa juaj email s’do të bëhet publike.

Recipe Rating




You May Also Like

Çfarë është Maja Natyrale?

Në këtë artikull do të mësoni më shumë rreth Maja Natyrale të përgatitur në shtëpi. Përgatitja në shtëpi sugjerohet sepse ju jep një rezultat fantastik në produktet e përdorura dhe sigurisht është shumë e shëndetshme.

Tortë me kakao

Torta me kakao është një ëmbëlsirë e thjeshtë për tu përgatitur dhe shumë e mirë që bën të lumtur të gjithë e sidomos fëmijët. Ne, këtë tortë e kemi zbukuruar me figurën e maces Kitty, shumë e dashur për fëmijët, por secili mund ta zbukurojë sipas dëshirës, ose thjesht mund ta lemë edhe pa zbukurim. Në përgatitjen e tortës mund të bëjmë edhe fëmijët pjesëmarrës që të na ndihmojnë.

Salcë pesto gjenoveze

Salca e quajtur pesto gjenoveze e ka origjinën pikërisht në Genova të Italisë. Kjo është një salcë mjaft e njohur jo vetëm në Itali, por edhe në mbarë botën. Në bazë të kësaj recete janë borziloku i freskët e fistikët.

Si të pastrojmë angjinaren

Angjinarja është një perim i pasur me fibra që ndihmon në uljen e kolesterolit. Ka pak kalori. Me të mund të përgatisim pjatanca të ndryshme. Pastrimi i angjinares, në të kundërt të asaj që mund të mendohet, është një përgatitje e thjeshtë. Me pak kohë e durim do të arrini në një përfundim të kënaqshëm.