Si të pastrojmë angjinaren

Angjinarja është një perim i pasur me fibra që ndihmon në uljen e kolesterolit. Ka pak kalori. Me të mund të përgatisim pjatanca të ndryshme. Pastrimi i angjinares, në të kundërt të asaj që mund të mendohet, është një përgatitje e thjeshtë. Me pak kohë e durim do të arrini në një përfundim të kënaqshëm.

Si fillim mbushim një enë me ujë dhe hedhim në të feta limoni dhe pak limon të shtrydhur. Në këtë mënyrë angjinarja nuk do të nxihet sepse e ndihmon lëngu i limonit. Fillojmë me pastrimin. Marrim angjinaren dhe me anë të një thike i presim bishtin. Heqim gjethet e jashtëm, ato më të fortat.

Pastaj me anë të thikës presim majën. E presim në mes dhe do të shohim se zemra e angjinares është e mbushur me push. Eliminojmë me kujdes këto të fundit me majën e një thike. E presim në feta gjysmën e angjinares ose e lemë siç është ( varet se si do ta përgatisim).

Më pas e vendosim angjinaren e pastruar në enën me ujë e limon derisa ti kemi pastruar të gjitha. Më pas mund ta përdorim argjinaren në gatime të ndryshme.

19 Shares
1 comment
Lini një Përgjigje

Adresa juaj email s’do të bëhet publike.

You May Also Like

Salcë kima

Kima (ose e quajtur tjetër ragu) është një salcë me bazë mishi të grirë, të cilën mund ta përdorim për ta përzier me makarona, oriz, perime të ndryshme, etj. Kjo lloj salce kërkon pak kohë në zierje, por përfundimi ia vlen mundimin e bërë.

Salca beshamel

Salsa beshamel është një salcë që gjen një përdorim të gjerë në kuzhinën italiane, franceze, angleze dhe jo vetëm. Kjo salcë e bardhë është e njohur kudo. Thuhet që salca beshamel merr emrin nga shpikësi i saj qe quhej Louis de Béchameil, markez i Nointel, chef ne hotelin e Louis XV në Francë. Nga fundi i shekullit të XVIII salsa béchameil mori emrin béchamelle.

Si të përgatitim Tahini

Tahini është një përbërje e kuzhinës mesdhetare dhe asaj të lindjes së mesme. Tahini përdoret si bazë për receta të ndryshme apo dhe për dekor të pjatës. Ka një shije karakteristike ku dominon fara e susamit i cili është dhe përbërësi kryesor.