Salcë pesto gjenoveze

57 Shares
57
0
0

Salca e quajtur pesto gjenoveze e ka origjinën pikërisht në Genova të Italisë. Kjo është një salcë mjaft e njohur jo vetëm në Itali, por edhe në mbarë botën. Në bazë të kësaj recete janë borziloku i freskët e fistikët. Me peston mund të përgatisim shumë pjata të para të shijshme ose mund të shoqërojmë pjatanca mishi.

Për përgatitjen e kësaj salce siç e kërkon receta origjinale duhet një havan prej mermeri që të shtypim të gjithë përbërësit dhe është pikërisht nga kjo lloj mënyre përgatitjeje që vjen edhe emri i kësaj salce.

Në italisht 'pestare' do të thotë shtyp ose thërrmoj dhe nga kjo gjë rrjedh edhe emri 'pesto'.

Salcë pesto gjenoveze

Prep Time10 mins
Total Time10 mins
Course: First plate
Cuisine: Italian
Keyword: salce
Sasia: 4 persona
Kalori: 140kcal

Përbërësit

  • 50 gr borzilok italian i freskët
  • 1 lugë gjelle fistik gati 15 gr.
  • 1/2 gote vaj ulliri cilësi e mirë
  • 6 lugë gjelle djathë parmixhan i grirë
  • 2 lugë gjelle djathë dele i grirë
  • 2 thelpinj hudhre
  • pak kripë të trashë

Përgatitja

  • Për përgatitjen e kësaj salce duhet shumë durim, pasi duhet ti rrahim mirë përbërësit së bashku në havan mermeri me një shtypës druri.
  • Fillojmë duke larë mirë e me kujdes gjethet e borzilokut. Pasi i kemi larë duhet ti thajmë një e nga një në mënyrë që të mos prishen e të mos ngelet ujë në to.
  • Në havan hedhim thelpinjtë e hudhrës të pastruar. Fillojmë ti shtypim mirë derisa të arrijmë një masë si krem. Më pas shtojmë borzilokun dhe disa kokrra kripe. Fillojmë e shtypim me kujdes borzilokun duke bërë lëvizje nga e djathta në të majtë e anasjelltas.
  • Vazhdojmë në këtë mënyrë derisa të dalë një lëng i gjelbër dhe në këtë pikë shtojmë fistikët. Vazhdojmë akoma ti shtypim mirë derisa të arrijmë një krem.
  • Më pas shtojmë dhe djathin parmixhan dhe atë të deles duke e trazuar gjithmonë me kujdes. Djathi do ta bëj akoma më kremoze salcën. Në fund shtojmë pak nga pak edhe vajin e ullirit duke e trazuar akoma ngadalë.
  • Vazhdojmë ta përziejmë derisa të arrijmë një masë homogjene. Salca është gati për përdorim.

Nëse nuk keni havan ose ju duket shumë e lodhshme përgatitja me të mund të përdorni grirësin elektrik, edhe pse receta origjinale nuk e lejon, (shija do të ndryshojë pak, por është gjithmonë e shijshme). Salcën pesto mund ta hidhni në vazo të vogla, mund ta fusni në ngrirje në frigorifer e ta përdorni sa herë keni nevojë.

Ju bëftë mirë!

57 Shares
2 comments
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Salca beshamel

Salsa beshamel është një salcë që gjen një përdorim të gjerë në kuzhinën italiane, franceze, angleze dhe jo vetëm. Kjo salcë e bardhë është e njohur kudo. Thuhet që salca beshamel merr emrin nga shpikësi i saj qe quhej Louis de Béchameil, markez i Nointel, chef ne hotelin e Louis XV në Francë. Nga fundi i shekullit të XVIII salsa béchameil mori emrin béchamelle.

Panine me ullinj

Paninet me ullinj janë një alternative e shijshme e bukës normale. Mund ti shërbejmë për të shoqëruar antipasta me sallamra, proshutë e djathëra të ndryshëm.

Ullinj

Kjo është periudha ideale për të bërë ullinjtë. Nëse ju pëlqejnë ullinjtë e nuk dini si ti përgatisni, ne kemi sjellë një recetë të shpejtë. Zakonisht në Shqipëri përdoret hiri i zjarrit për të hequr hidhërimën e ullirit, por në pamundësi të saj ne kemi përdorur kripën

Kos i Bardhë

Fermentimi i qumështit mund të jetë një nga teknikat më të vjetra. Shume amvisa e kanë lëne bërjen e kosit ne shtëpi me futjen në masë të produkteve bulmetit në treg.