Dhe pse ndonjëherë kemi menduar se të përgatisim gjalpë në shtëpi mund të jetë e vështirë sot po shikojmë pikërisht këtë proces. Për të realizuar me sukses këtë procedure duhet përdorur qumësht fshati me yndyrë sa më të lartë.
Përgatitja e gjalpit në shtëpi është shume e thjeshte por ju duhet pak durim pasi procesi mund të jetë shumë i gjatë nëse nuk përdorni një mikser kuzhine. Kjo në varësi të llojit të qumështit që do përdorni.
Si të përgatisim gjalpë në shtëpi
Sasia: 2 vazo
Kalori: 320kcal
Përbërësit
- 5 L qumësht fshati
- 20 gr kripë
Përgatitja
- Për të përgatitur gjalpë në shtëpi i cili është mjaft i shijshëm duhet patjetër të kemi qumësht fshati, sepse qumështi i paketuar është i përpunuar dhe i janë nxjerrë të gjitha yndyrat.
- Qumështin e hedhim në një enë duke e kulluar dhe e vëmë në zjarr për të vluar. Pasi qumështi fillon të ngrihet e lemë gati 5 minuta të vlojë në zjarr të ulët.
- Gjatë kohës së vlimit duhet ta trazojmë qumështin me anë të një luge sepse përndryshe na derdhet.
- Pasi e heqim nga zjarri e lemë të ftohet pa e lëvizur ajkën dhe e futim në frigorifer për 1 natë. Ditën tjetër e marrim ajkën me lugë dhe e hedhim në mikser, ku shtojmë edhe 1 filxhan ujë. Ajkën e kalojmë në mikser për gati 5-6 minuta, sa të shikojmë që gjalpi ndahet më vetë nga uji.
- Gjalpin e marrim me lugë e hedhim në një gotë qelqi dhe shpëlajmë me ujë për ti ikur pjesa e ujit të bardhë.
- Gjalpit përgatitur në shtëpi i hedhim pak kripë dhe e trazojmë. Më pas gjalpin e vendosim përsëri në frigorifer për tu mpiksur. Më pas mund ti japim formën që dëshirojmë me ndihmën e një letre kuzhine ose ta përdorim siç është.
Gjalpi është gati, e përdorim për gatime të ndryshme apo mëngjese të shëndetshme apo për të pergatitur pete e veçant me gjalpë.
Ju bëftë mirë dhe mos harroni ti shpërndani recetat tona!
