Salcë domate e bërë në shtëpi

Përgatitja e salcë domate është tepër e thjeshtë, por do pak durim. Siç e thamë në publikimin e mëparshëm mbi domatet e thata nën vaj, kjo është periudha më e mirë për të mbledhur domate. Ndiqni këto hapa dhe do të keni një salcë domate të përkryer. Salca e bërë vet është e shëndetshme dhe nuk përmban konservante apo produkte te tjera kimik.

Salcë domate e bërë në shtëpi

Përbërësit

  • 2-5 kg domate
  • disa gjethe borzilok

Përgatitja

  • Zgjedhja e domates është në preferencën tuaj, por zgjidhni domatet që kanë shumë brum, të pjekura mirë dhe evitoni ato të prishurat. I lajmë me ujë të rrjedhshëm dhe më pas i ndajmë në mes për së gjati duke eliminuar farat.
  • I hedhim në një tenxhere qe e vëmë të marrin vale në zjarr të ulët. Herë pas here duhet ti trazojmë.
  • Pasi domatet të jenë të gjitha brum, i heqim nga zjarri dhe me anë të një shtrydhëse për domate (foto mëposhtë), heqim lëkuren nga brumi domates.
  • Sterilizojmë vazot e qelqit duke i vendosur në një tenxhere me ujë ku në fundin e saj kemi shtruar një rrobe. I lëmë vazot dhe 30 minuta pasi kane kapur piken e vlimit. Pas kësaj i heqim dhe i kthejmë me kokë poshtë të thahen.
  • Nëse masa e nxjerre nga domatet ju duket shume e lëngshme, mund të kulloni ujin, ose ta vini dhe për disa minuta në zjarr derisa të jeni të kënaqur me trashësinë.
  • Marrim vazot tashmë të thata dhe vendosim disa gjethe borzilok në fundin e saj. Hedhim me kujdes salcën e domates në të, duke lënë 2-3cm boshllëk deri nga buza e vazos.
  • Për të vulosur hermetikisht vazot, duhet ti mbyllim mirë dhe vazot ti pozicionojmë në një tenxhere ku në fundin e saj të ketë një rrobë. Vendosim vazot me kokëposhtë, shtojmë rrobe tjetër midis vazove për mos tu thyer dhe i mbushim me ujë. E çojmë tenxheren në zjarr dhe e lëmë 20 minuta pasi ka kapur piken e vlimit.
  • Pasi vazot te jene ftohur, verifikoni vulosjen duke shtypur mbi kapak. Nëse dëgjoni një klik, klik, vazua nuk është vulosur siç duhet. Ruani vazot në një vend të freskët dhe të errët. Pasi të hapen, salca duhet ruajtur në frigorifer.

Notes

Përgatitja

shtrydhese-domate-passaverdura
Lexoni gjithashtu byrek me domate, sallate domate ose oriz me domate.

Ju bëftë mirë nga ArtiGatimit.com!

1 Shares
2 comments
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Si të përgatisim gjalpë në shtëpi

Dhe pse ndonjëherë kemi menduar se të përgatisim gjalpë në shtëpi mund të jetë e vështirë sot po shikojmë pikërisht këtë proces. Për të realizuar me sukses këtë procedure duhet përdorur qumësht fshati me yndyrë sa më të lartë.

Salca beshamel

Salsa beshamel është një salcë që gjen një përdorim të gjerë në kuzhinën italiane, franceze, angleze dhe jo vetëm. Kjo salcë e bardhë është e njohur kudo. Thuhet që salca beshamel merr emrin nga shpikësi i saj qe quhej Louis de Béchameil, markez i Nointel, chef ne hotelin e Louis XV në Francë. Nga fundi i shekullit të XVIII salsa béchameil mori emrin béchamelle.

Kos i Bardhë

Fermentimi i qumështit mund të jetë një nga teknikat më të vjetra. Shume amvisa e kanë lëne bërjen e kosit ne shtëpi me futjen në masë të produkteve bulmetit në treg.

Si të përgatitim Tahini

Tahini është një përbërje e kuzhinës mesdhetare dhe asaj të lindjes së mesme. Tahini përdoret si bazë për receta të ndryshme apo dhe për dekor të pjatës. Ka një shije karakteristike ku dominon fara e susamit i cili është dhe përbërësi kryesor.