Brumi për pica

Brumi për pica është një nga ato përgatitjet bazë me të cilat mund të përgatisim çdo lloj pice, tamam siç i shijojmë në piceri.

Brumi për pica

Përbërësit

  • 1 kg miell
  • 6-7 lugë vaj ulliri
  • pak kripë
  • 50 gr maja birre
  • 2 lugë sheqer
  • 10-15 gr kripë
  • 1 gote ujë

Përgatitja

  • Në një gotë hedhim majanë e birrës dhe sheqerin, i shkrijmë me pak ujë të vakët. Në një enë të madhe hedhim miellin e në mes të tij shtojmë gotën me ujë e majanë e shkrirë. I trazojmë mirë.
  • Në një gotë tjetër hedhim kripë, vaj ulliri dhe pak ujë të vakët, i trazojmë mirë derisa të shkrihet kripa. E bashkojmë edhe këtë me miellin. Fillojmë të zëmë brumin. Shtojmë akoma ujë nëse është e nevojshme.
  • Vazhdojmë të ngjeshim brumin me dorë derisa të kemi arritur një masë homogjene. Mund ta vazhdojmë këtë proçes mbi dërrasën e punës. Më pas e vendosim përsëri në enë dhe e mbulojmë me një pecetë të pastër. E lemë në këtë mënyrë përreth dy orë.
  • Duhet të kemi kujdes që enën mos ta lemë në korrent ajri. Pasi kanë kaluar rreth dy orë do të shohim se masa e brumit është dyfishuar.
  • Tashmë brumi është gati për tu hapur e për të bërë picën. Mund ta mbushim me përbërësit që dëshirojmë.
113 Shares
19 comments
  1. mos shkruni pa lidhje se brumit per pica nuk i qitet birr por mos huto tan muslimanet po po rrejshe shum spase men sa ni lop qe 20 vjet mirna me ket pun

    1. Maja birre eshte KVASEC !!! Si duket nuk e paske kuptuar mire… Dhe mendoj qe me se miri ARTIIGATIMIT do te ishte te ta sqaronte keshtu njehere dhe jo te tregonte per preferencat religjioze.

      1. Ne flasim shqip dhe shkruajme shqip ketu, pastaj nese ju doni ta quani me emer tjeter quajeni por mos komento mbi preferenca religjoze imagjinare dhe ne radhe te pare falenderohet!

  2. Faleminderit per recetat e shijshne por kam nje sygjerim te vogel
    kur jepni permasat ju lutem konvertohini edhe me luge ksfeje apo gjelle. faleminderit per mirkuptimin.

  3. Bera nji dite nji byrek u sa i mirrrrrrrrrrrrr. Me lumshin duart mua o zot. E bera me qep me domatje. O zot i nadh

Lini një Përgjigje

Adresa juaj email s’do të bëhet publike.

Recipe Rating




You May Also Like

Salcë kima

Kima (ose e quajtur tjetër ragu) është një salcë me bazë mishi të grirë, të cilën mund ta përdorim për ta përzier me makarona, oriz, perime të ndryshme, etj. Kjo lloj salce kërkon pak kohë në zierje, por përfundimi ia vlen mundimin e bërë.

Petë e veçantë me gjalpë (Pasta Sfoglia)

Pasta sfoglia është një petë e veçantë e bërë kryesisht me gjalpë. Kjo është një recetë e rëndësishme dhe e detyrueshme për tu ditur sepse kjo lloj pete gjen një përdorim të gjerë në kuzhinë. Eshtë ideale si për torta të kripura, ashtu dhe për ato të ëmbla. Përgatitja e këtij brumi është pak i komplikuar por të gjithë mund ta provojmë ta bëjmë.

Si të pastrojmë angjinaren

Angjinarja është një perim i pasur me fibra që ndihmon në uljen e kolesterolit. Ka pak kalori. Me të mund të përgatisim pjatanca të ndryshme. Pastrimi i angjinares, në të kundërt të asaj që mund të mendohet, është një përgatitje e thjeshtë. Me pak kohë e durim do të arrini në një përfundim të kënaqshëm.