Periudha e vjeshtës është koha ideale për të përgatitur ushqime për dimrin, një nga këto ushqime janë turshitë. Për përgatitjen e turshive ne sugjerojmë të përdoret uthull molle bio dhe pa kimikate apo konservues. Lexoni më poshtë përgatitjen e uthullës së mollës dhe përdoreni në ushqimet tuaja.
Mollët i lajmë dhe i grijmë në grirës elektrik (në makinerinë që të shtrydhni frutat). Lëngun dhe pjesën e brumit të frutave të mollëve e hedhim në një enë. Madhësia e enës varet nga sasia e kg të mollëve.
Receta për patellxhanë turshi.
Nëse brumi i mollëve nuk mbulohet me lëngun e vet, i hedhim ujë rreth 3 cm më lartë se masa e brumit. E vendosim në një vend ku mos ta kapi dielli, jo brenda në shtëpi dhe e lemë për rreth 40- 45 ditë.
Ditën e lemë të hapur kurse natën e mbulojmë me një napë. Mbas 40 apo 45 ditëve e kullojmë dy herë me napë ose me sitë duke e shtrydhur fort me dorë.
Uthulla e mollës hidhet nëpër shishe dhe ruhet në vend pa lagështi dhe ku nuk rreh drita e diellit.
Sipas dëshirës mund ti bëni dhe një kullim tjetër mbas një ose dy javëve.
Gjithashtu shikoni figurën për pamjen e saj sepse uthulla e mollës nuk del shumë e kulluar nëse nuk përdorni filtra të hollë.
Përgatitja e kastravecë turshi.
