Si të përgatisim patëllxhanë turshi

Receta më praktike për të përgatitur patëllxhanë turshi. Kjo mënyre përgatitje turshi mundëson konservimin e perimeve për një kohë të gjatë, ideale për periudhën e dimrit. Lexoni gjithashtu recetën për lakër turshi.

Si të përgatisim patëllxhanë turshi

Prep Time20 mins
Cook Time30 mins
Total Time50 mins
Course: Komposto
Cuisine: Albanian
Keyword: kuzhina shqiptare
Sasia: 4 vazo
Kalori: 240kcal

Përbërësit

  • 3 kg patëllxhan
  • 3 kokë hudhra
  • 3 dega selino
  • 3 tufa majdanoz
  • 1 kg speca të ngjyrave të ndryshme
  • 3 speca djegës
  • 6 gjethe dafine
  • 6 lugë gjellë kripë e ashpër
  • 500 ml uthull

Përgatitja

  • Si fillim për patëllxhanë turshi duhet të përdorim patëllxhan të freskët dhe me madhësi mesatare. Patëllxhanët i lajmë dhe i pastrojmë nga bishtat. Vendosim një enë me ujë në zjarr dhe hedhim në të tre lugë gjellë kripë. Patëllxhanëve i bëjmë një prerje për së gjati dhe i futim në ujin e nxehtë me kripë dhe i ziejmë për 2 minuta.
  • Patëllxhanët i kullojmë dhe i vendosim në një rrjetë duke i lenë kështu për një natë.
  • Ditën tjetër fillojmë përgatitim mbushjen për patëllxhanë turshi. Pasi ti kemi larë dhe fshirë të gjitha perimet i presim në formë rripash të hollë. Të gjitha perimet e prera i hedhim në një enë dhe i përziejmë me kripën e ngelur.
  • Me këtë përgatitje do të mbushim të gjithë patëllxhanët me radhë. Marrim patëllxhanët që përgatitëm një natë me pare dhe në prerjen që kryem hedhim një lugë nga mbushja. Patëllxhanët e mbushur i vendosim në vazo njëri mbi tjetrin. Në çdo dy rrjeshta vendosim nga një ose dy gjethe dafine. Vazhdojmë kështu për të gjitha perimet.
  • Ziejmë uthullën me pak lugë kripë dhe e lemë të ftohet. Pasi ftohet, shëllirën e uthullës e hedhim në vazo dhe vendosim peshë sipër, në këtë mënyrë patëllxhanët të rrinë fundosur. Patëllxhanët turshi i mbulojmë me napë për 5 ditë pastaj i vendosim kapakët. Në këtë mënyrë patëllxhanët do të rrojnë për një kohë të gjatë. I ruajmë në një vend të freskët dhe jo në ndikimin e dritës së diellit.
  • Patëllxhanët turshi mund të konsumohen pasi kanë kaluar të paktën 2 muaj. Ju bëfshin mirë dhe mos harroni të abonoheni për recetat e reja.

Receta për lakra turshi

Ju beftë mirë!

305 Shares
Lini një Përgjigje

Adresa juaj email s’do të bëhet publike.

Recipe Rating




You May Also Like

Sallatë lakre super e shëndetshme

Lakra e bardhë është me vlera të larta ushqimore. Kjo recetë e thjeshtë sallatë lakre duke i shtuar asortimente të tjerë bëhet akoma më e mirë. Po japim recetën e përgatitjes së sallatës sipas një mënyre të thjeshtë e shpejtë.

Sallatë me karkaleca deti

Sallatë me karkaleca deti përgatitet në pak minuta dhe në më pak se 300 kalori mund të shijoni diçka vërtet të shijshme. Kjo sallatë mund të shoqërohet edhe me disa feta avokado.

Angjinare në tigan

Angjinarja e stufuar në tigan është një pjatë shumë e shijshme dhe shumë e thjeshtë në përgatitje. Kjo pjatë mund të jetë një garniturë e mirë për pjata me mish ose peshk. Por mund të jetë edhe një pjatë e dytë për vegjetarianët sepse angjinarja ka shumë veti ushqimore.