Një mënyre e veçantë për të përgatitur patate në furre. Te prera në formë fizarmonike dhe të mbushura me djathë, kjo recetë ka një prezantim mahnitës.
Përbërësit për Patate ne furrë me djathë – Patate fizarmonikë
- 2 kokrra të mëdha patate
- 30 gr djathë pecorino
- 30 gr djathë pamixhano
- pak gjalpë
- pak piper
- rozmarinë
- majdanoz
Përgatitja e patateve ne furrë
Lajmë dhe fshijmë patatet. Kokrrat e patateve nëse janë të gjata aq me mire del rezultati final. Me ndihmën e një piruni, shpojmë patatet ne mënyre uniforme. Më pas marrim dy shkopinj shishqebap, dhe vendosim pataten e mes. Presim me thikë ne mënyre vertikale derisa thika te kapi shkopinjtë. Prerjet mundohemi mos ti bëjmë shumë te trasha.
Nëqoftëse nuk ju ndodhet shkop shishqebap vendosnin bishtin e lugës së drurit në anë të patates. Qëllimi është se shkopi nuk e lë pataten të pritet deri në fund.
Me anë të një furçe patatet i lyejmë me gjalpin e shkrirë. Brenda fetat e ndara do i mbushim me të djathërat dhe pak piper. Djathi pecorino është djathë dele italian. Djathin parmixhano e grijmë në rende dhe e hedhim sipër. Sipas dëshirës i shtojmë edhe pak rozmarinë të grirë.
Patatet i vendosim në tavë dhe i futim në furrë të ngrohur më parë në 200°C për 30-35 minuta. Kjo ishte një recetë e shpejtë për patate ne furre me djathë.
Mund të shoqëroni pjata të ndryshme me mish.
Ju bëftë mirë nga Arti Gatimit
