Garnitura
Komente nga Fb - Shkruaj një koment

Pure qiqra

Përgatitja: 30 min - Pjekja: 40 min - Sasia: 4 persona Persona

Qiqrat janë më energjiket dhe më ushqyeset të familjeve të legumeve. Ato kanë përmbajtje të lartë në proteina. Kjo është receta për përgatitjen e pure qiqra.

Përbërësit për Pure qiqra


  • 250 gram qiqra

  • 3-4 thelpinj hudhra

  • 2-3 kokrra arra

  • sallator turshi

  • 3-4 lugë gjelle tahini

  • rozmarinë

  • 1 limon (lëngu)

  • kripë

  • erëza


Përgatitja e puresë

Për përgatitjen e puresë qiqrat i vëmë të pushojnë 12 orë në ujë të bollshëm. Më pas i kullojmë dhe i ziejmë me ujë në një enë.

Hedhim në enë një degë të vogël rozmarinë dhe dy thelpinj hudhra.
Pasi e shikojmë që qiqrat kanë zier, i kullojmë, i hedhim në mikser për ti bluar duke i shtuar edhe dy thelpinj hudhra.

Masës së qiqrave të bluara do ti hedhim brenda tahini, vaj, lëng limoni, kripë. Lexo përgatitjen e tahini, një recete e thjeshtë dhe plot vlera ushqimore.

Vazhdojmë bluarjen duke shtuar dy gota ujë nga ai i qiqrave pak nga pak derisa të shikojmë që në mikser kemi një masë të dendur dhe të qëndrueshme.
Masën e hedhim në një pjatancë dhe sipër hedhim erëzat sipas dëshirës si dhe sallator turshi dhe arra.

Pure qiqra është gati dhe mund të shërbehet si shoqëruese e pjatave te tjera.

Ju bëftë mirë nga Arti Gatimit

pure qiqra - garnitura

Receta Gatimi

Shkruani komentin tuaj - Komente