Lulelakër në furrë është një përgatitje e shëndetshme që në periudhën ë vjeshtës apo dimrit kthehet gjithashtu në një pjatë shumë të shijshme.
Lulelakër në furrë
Sasia: 2 persona
Kalori: 80kcal
Përbërësit
- 300 gr lulelakër
- 2 qepë të njoma
- 1 hudhër
- majdanoz
- piper i zi
- piper i kuq
- pak susam
- vaj ulliri
- kripë
Përgatitja
- Pastrojmë e lajmë lulelakrën dhe e presim me trashësi 1,5 cm. Pjesët në formë drejtkëndore i marinojmë me kripë e piper. Pjesët e vogla që dalin nga prerja i lemë për përgatitur supë.
- Pjesët e lulelakrës i kaurdisim në një tigan me vaj ulliri për gati 2 minuta në të dyja anët sa të marrin një ngjyrë të lehte. Më pas i vendosim në një tavë të lyer me vaj ulliri dhe i pjekim në furrë të para ngrohur në 200°C për 10-12 minuta.
- Ndërkohë me anë të një thike presim hollë qepën e njomë, hudhrën, majdanozin dhe i marinojmë në një enë qelqi, me kripë, piper, disa fara susami, vaj ulliri.
- Pasi lulelakër në furrë piqet, i vendosim në pjatë dhe i hedhim sipër pjesën e marinuar me qepë.
Receta të tjera qe mund tu pëlqejnë gjelle me lakra, lakror me qepe te njoma ose pispili me lakra.
Ju bëftë mirë nga artigatimit.com
