Pispili me lakra te egra – GATIME KORÇARE

Kjo është receta origjinale për pispili me lakra te egra. Gatime korçare tradicionale që vazhdojnë ti rezistojnë kohës. Një recete gatimi që e kemi publikuar me parë, pispili me lakra te egra.

Pispili me lakra te egra – GATIME KORÇARE

Prep Time20 mins
Cook Time30 mins
Total Time50 mins
Course: First plate
Cuisine: Albanian
Keyword: byrek
Sasia: 4 persona
Kalori: 180kcal

Përbërësit

  • 1 kg lakra të egra ose spinaq
  • 300 gram miell misri
  • 250 gram qepë të njoma ose dhe presh
  • 100 gram djathë
  • 300 mL qumësht
  • 100 mL vaj ulliri
  • kripë
  • kopër
  • mëndrëz nenexhik
  • piper

Përgatitja

  • Për përgatitjen e pispilisë përdoren lakrat e egra: lulëkuqe, qumështorë, lëpjetë, labot, hithra, nenë etj. Së shpejti do të kemi edhe një artikull mbi lakrat e egra dhe përdorimi i tyre. Mos harroni te abonoheni ne njoftimet e faqes për receta gatimi.
  • Pastrojmë dhe lajmë lakrat dhe qepët. I grijmë hollë dhe i hedhim në një enë të madhe.
  • I hedhim kripë dhe gjysmën e miellit dhe i shtypim me dorë derisa ato të lëshojnë lëngun e tyre.
  • Më pas i hedhim djathin e thërrmuar, erëzat, qumështin dhe vajin.
  • I trazojmë mirë me lugë druri.
  • Tavën e lyejmë me vaj ulliri dhe e spërkatim me miell të gjithë sipërfaqen e saj.Masën e lakrave e hedhim me dorë duke e shpërndarë në gjithë sipërfaqen e tavës dhe hedhim mbi të lëngun që ka ena. E spërkatim sipër me pjesën tjetër të miellit të misrit dhe e sheshojmë me dorë.
  • Tava pispili me lakra te egra piqet në furrë të nxehur në 200 gradë për 30-40 minuta.
  • Shoqërohet me dhallë. Në të njëjtën mënyrë përgatitet edhe me spinaq.

Dhe si e do tradita:

Ju bëftë mirë nga Arti Gatimit

Lexoni receten për petulla korçare

235 Shares
Lini një Përgjigje

Adresa juaj email s’do të bëhet publike.

Recipe Rating




You May Also Like

Tortë patate në furrë

Kjo tortë me patate në furrë është një pjatë unikë mjaft e shijshme. Përmbledh në brendësi shijet e djathit tymosur të aromatizuar me rozmarinë. Recetë gatimi e shpejtë dhe tava në furre piqet vetëm 20 minuta.