Torta të Kripura
Shkruaj një koment

Quiche Lorraine – Recete gatimi franceze

Përgatitja: 20 min - Pjekja: 50 min - Sasia: 4
Quiche lorraine është gatim klasik i kuzhinës franceze. Gatim i thjeshtë, ekonomik dhe i shijshëm. Quiche lorraine përbehët nga brumi, kremi qumështit me vezët, dhe perimet. Quinche mund të shërbehet edhe si pjatë e ftohtë për një aperitiv me miqtë.

Quiche Lorraine - Recete gatimi franceze

Përbërësit

  • Për brumin

  • 250 gr miell
  • 125 gr gjalpë Te jete i bute ne temp ambienti
  • 1 e verdhe veze
  • 50 ml ujë
  • pak kripe
  • Për kremin e qumështit

  • 300 ml qumësht ose 150 ml pana e 150 ml qumësht
  • 3 veze
  • pak kripe
  • pak piper
  • pak arrë moskat
  • Perimet: mund te jene nga me te ndryshmet

  • një qepe e kuqe
  • pak majdanoz
  • një karrot
  • një kungull
  • një spec i prere në formë rrethore
  • 50-60 gr kërpudha
  • 100 gr domate qershi
  • 30 gr ullinj te zinj
  • pak djathë i grire kaçkavall
  • Salmon fumé i tymosur( Fakultativ)

Përgatitja

  • Si fillim përgatisim brumin për Quiche lorraine.
  • Ne një enë hedhim miellin, kripen, gjalpin. Me majat e gishtave përziejmë gjalpin me miellin derisa përbërja e miellit me gjalpin te behet si rëra. E fërkojmë përbërjen paksa mes duarve. Ky proces nuk duhet të zgjas gjatë.
  • E hapim miellin dhe hedhim ujin në mes. Shtojmë dhe të verdhen e vezës. Ngjeshim brumin shpejt në mënyre që të gjithë përbërësit te përzihen mirë. Brumi duhet të jetë homogjen.
  • Ne planin e punës shtrojmë letër kuzhine, hedhim pak miell dhe fillojmë të hapim brumin me pec të trashe duke bere kujdes çarjet që mund te krijohen anash. E vendosim me gjithë letër mbi tave dhe e shpojmë lehte me piru.
  • Në mungesë te letrës se kuzhinës, lyejmë tavën me gjalpë për të evituar ngjitjen.
  • Brumi i tepërt qe del sipër bordit së tavës mund të pritet me thikë, ose thjesht duke kaluar pecin sipër tavës.
  • Vendosim tavën në frigorifer dhe vazhdojmë me përgatitjet e perimeve. Pasi i kemi larë presim perimet në formë kubike dhe shtojmë pak vaj ulliri, pak majdanoz dhe pak kripë. I vendosim në zjarr të ngadaltë.
  • Shtojmë dhe kërpudhat se bashku me pak gjalpë (sipas dëshirës). Në një enë qelqi hedhim tre vezë dhe i rrahim me piru, shtojmë pak pana dhe pak qumësht (në mungese të panës shtoni vetëm qumësht. Masat e kremit të qumështit , duhet pak a shume, aq sa te mbulojnë perimet në tavë.
  • Ndërkohe furrin e ndezim në temperaturën 180 grade. Nxjerrim taven ku hapem brumin nga frigoriferi. Hedhim pak djathë të grire kackavall, pastaj shtrojmë perimet. Hedhim kremin e përgatitur, disa domate qershi, përseri pak arre moskat, vendosim sipër salmonin e tymosur dhe e vendosim në furrë 180 grade përreth 50 - 60 min. Pasi është pjekur e lini të ftohet dhe e shërbejmë quinche lorraine në copa.

Notes

Përgatitja

Ju bëftë mirë!

receta gatimi kuzhina franceze artigatimit

Na ndiqni në Instagram @ArtiGatimit dhe vendosni tag #artigatimit recetat që gatuani!

Lini një Përgjigje

Your email address will not be published. Required fields are marked *


Komento nga Facebook!

Shkruani komentin tuaj - Komente