Torta të Kripura
Komente nga Fb - Shkruaj një koment

Tortë patate në furrë

Përgatitja: 20 min - Pjekja: 20 min - Sasia: 2 Persona Persona

Kjo tortë patate në furrë është një pjatë unikë mjaft e shijshme. Përmbledh në brendësi shijet e djathit tymosur të aromatizuar me rozmarinë. Recetë gatimi e shpejtë dhe tava në furre piqet vetëm 20 minuta.

Përbërësit për Tortë patate në furrë


  • 300 gr patate

  • 1 kokërr qepë

  • 100 gr djathë parmixhano

  • 100 gr djathë provola

  • 100 gr proshutë e pjekur

  • 1 lugë e vogël miell

  • 3-4 lugë qumësht

  • vaj ulliri

  • pak kripë

  • rozmarinë e thatë

  • piper i zi

  • majdanoz

Përgatitja

Qërojmë patatet dhe i presim në feta të holla rrethore. Qepët i presim hollë në formë gjysmëhëne. Qumështin e trazojmë me miellin, vajin e ullirit, pak rozmarinë të grirë dhe e hedhim në enën me patate së bashku me djathin pamixhan të grirë.

Gjysmën e masës me patate e qepë e hedhim në tavën ku kemi shtruar një letër kuzhine. Sipërfaqen do e mbulojmë me një shtrese djathë të tymosur prerë në feta (provola),një shtrese proshutë dhe djathë përsëri. Hedhim sipër pak rozmarinë dhe piper.

Hedhim shtresën tjetër të patateve dhe sipër e spërkatim me djathë pamixhano të grirë. Tavën e pjekim në furrë të para ngrohur në 200°C për 20 minuta.

torte patate ne furre - Receta Gatimi

Tortë patate në furre është gati. E lëmë të ftohet dhe e shërbejmë si pjatë unike me pak majdanoz të grirë sipër. Nëse ju pëlqejnë tortat e kripura, ju ftojmë të lexoni; Tortë e kripur me karrota, Tortë e kripur me kunguj dhe mos harroni ta shpërndani ne Facebook për miqtë tuaj.

Ju bëftë mirë!

Receta Gatimi

Shkruani komentin tuaj - Komente