Torta e kripur me karrota e kunguj është ideale për një aperitiv me miqtë ose si antipastë. është një pjatë të cilën mund tia shërbejmë edhe fëmijëve sepse pamja e saj është mjaft e këndshme.
Tortë e kripur me karrota e kunguj
Përbërësit
- 1 petë byreku Kliko këtu për të parë recetën)
- 3 karrota
- 3 kunguj të vegjël
- 2-3 lugë vaj ulliri
- pak kripë
- pak piper
- pak arrë moskat
- 60 gr djathë të grirë parmixhan
- 2 vezë
- 100 gr gjizë
- 250 ml beshamel kliko këtu për të parë recetën
Përgatitja
- Fillojmë të përgatisim salsën beshamel.
- Pasi e kemi përgatitur e lemë të ftohet.
- Ndërkohë lajmë kungujt e karrotat dhe qërojmë këto të fundit. Me ndihmën e një rendeje fillojmë ti presim në feta të holla perimet për së gjati.
- Në një enë qelqi hedhim beshamelën, gjizën, vezët,50 gr djathë të grirë,pak kripë, pak piper, pak arrë moskat dhe i trazojmë mirë të gjithë përbërësit.
- Marrim një tavë në të cilën kemi shtruar letër furri dhe vendosim në të petën e byrekut. Hedhim sipër masën e përgatitur. E rregullojmë mirë me lugë. Sipër fillojmë ta zbukurojmë me fijet e karrotës dhe të kungullit. I vendosim në mënyrë vertikale duke i alternuar, një radhë me karrotë e një radhë me kunguj derisa të arrijmë të zbukurojmë të gjithë byrekun. E lyejmë sipër me vaj me ndihmën e një peneli dhe i hedhim djathin e grirë. Tortën e përgatitur e vendosim në furrë të nxehtë 180-200°C dhe e pjekim përreth 50 minuta.
- Më pas e nxjerrim nga furra dhe e shërbejmë.
Notes
Përgatitja
Ju bëftë mirë!
