Orizi me kërpudha (rizoto me kerpudha) është një pjatë shumë e mirë dhe e përshtatshme për të gjithë, sidomos për ata persona që kanë probleme të tolerancës ushqimore siç janë personat çeliak të cilët alergjia kryesore u vjen nga mielli i grurit. Kjo pjatë rizoto me kerpudha është e shpejtë, e thjeshtë e me një rezultat vërtet të kënaqshëm.
Oriz me kërpudha
Sasia: 4 persona
Kalori: 190kcal
Përbërësit
- 300 gr oriz
- 300 gr kërpudha
- 1 kokerr qepë e bardhë
- 50 gr gjalpë
- 600 ml lëng perimesh
- 60 gr djathë parmixhan i grirë
- 80 ml verë të bardhë
- 10 gr kripë
- 5 gr piper
- 5 gr majdanoz
Përgatitja
- Orizi me kërpudha duhet të prgatitet me shumë qetësi dhe zjarë të ulët. Si fillim qërojmë qepën dhe e presim hollë. Në një tenxhere hedhim 40 gr gjalpë dhe shtojmë qepën e grirë dhe kërpudhat e prera në feta. I kapërdimë për disa minuta e më pas shtojmë orizin.
- E trazojmë mirë dhe e lemë të skuqet pak. E shuajmë me verë të bardhë dhe pasi vera ka avulluar alkoolin shtojmë lëngun e perimeve pjesë pjesë.
- Shtojmë pak kripë dhe e trazojmë. Ulim zjarrin, e mbulojmë me kapak tenxheren dhe e lemë të ziejë përreth 20 minuta.
- Më pas heqim tenxheren nga zjarri dhe i shtojmë gjalpin e mbetur dhe djathin parmixhan. Orizi me kërpudha është gati. E trazojmë me kujdes e më pas e hedhim në pjata.
- E shërbejmë rizoto me kerpudha të ngrohtë duke i hedhur sipër piper e majdanoz të grirë.
Lexoni recetën për Oriz me perime ose Oriz i kuq me karkaleca.
Ju bëftë mirë nga ArtiGatimit!
5 comments
sa her hapi fb shoh reqeta te mrrekullushme ju lumt…,
shum te mira
Faleminderit Azee!
Nuk jam a sigurt a mund t’i jepet ky oriz ma alcohol femijes? Si mendon?
Zonje, alkoli avullon!