Oriz i kuq me karkaleca deti

Sot vendosëm të propozojmë një recetë të lehtë në kalori, oriz i kuq me karkaleca deti. Orizi i kuq ka një shije te veçante, disi të ëmbël dhe mban pak aromë lajthi, përmban shumë proteina, hekur dhe është i pasur me fibra.

Oriz i kuq me karkaleca deti

Prep Time20 minutes
Cook Time15 minutes
Total Time35 minutes
Course: First plate
Cuisine: Mediterranean
Keyword: oriz
Sasia: 2 persona
Kalori: 240kcal

Përbërësit

  • 200 gr oriz i kuq
  • 500 gr karkaleca
  • 100 gr oktapod
  • 4 thelpinj hudhër
  • majdanoz
  • vaj ulliri
  • 1/2 gotës verë të bardhë
  • 3 kokrra domate të vogla
  • kripë
  • piper i bardhë

Përgatitja

  • Në fillim pastrojmë e lajmë karkalecat duke u lënë vetëm tulin. Më pas në një enë me ujë të bollshëm e kripë vendosim orizin për të zier.
  • Ndërkohë që orizi bëhet, në një tigan me vaj të ngrohur hedhim hudhrat e prera hollë duke mos i kaurdisur shumë. Me pas shtojmë domatet e vogla e prere për gjysmë.
  • Pas 2 minutash hedhim karkalecat e pastruar. Shtojmë kripë dhe piper të bardhë. Duhet të kemi parasysh që zjarrin gjatë gjithë kohës duhet ta kemi në minimum. Pas 5 minutash tiganin e heqim nga zjarri.
  • Pasi të ziejë orizi e kullojmë dhe e bashkojmë me domatet dhe karkalecat. I trazojmë për 2 minuta në zjarr dhe hedhim verën. Masën e lemë në zjarr duke e trazuar sa të avullojë alkooli, hedhim majdanozin e prerë hollë dhe e heqim.
  • Oriz i kuq me karkaleca shërbehet i ngrohtë dhe shoqërohet me verë të bardhë.

Receta per rizoto me salsice

Ju bëftë mirë!

0 Shares
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Oriz me kërpudha

Orizi me kërpudha është një pjatë shumë e mirë dhe e përshtatshme për të gjithë, sidomos për ata persona që kanë probleme të intolerancës ushqimore siç janë personat çeliak të cilët alergjia kryesore u vjen nga mielli i grurit. Kjo pjatë është e shpejtë, e thjeshtë e me një rezultat vërtet të kënaqshëm

Kunguj të rrumbullakët të mbushur me oriz dhe gorgonzola

Kungujt kanë vitaminë A dhe C dhe kanë pak kalori, rreth 95% e tyre është ujë. Ekzistojnë disa lloje kungujsh. Për këtë recetë kemi zgjedhur kungujt e rrumbullakët pasi janë më të përshtatshëm për mbushje. Mund ti mbushim në mënyra të ndryshme. Ne po japim një variant me oriz dhe djathë gorgonzola. Ky lloj djathi është tipik i Italisë (zona e Lombardisë dhe Piemonte). Gorgonzola është një djath i butë, kremoz që prodhohet me qumësht lope. Ka një shije të veçantë dhe të fortë. Në këtë recetë ky djath bashkohet me orizin që i jep një shije të veçantë.

Tavë me oriz dhe presh

Në vendin tonë janë të shumëllojshme gatimet me presh, sidomos në zonën e Myzeqesë kanë qenë ushqimi bazë për stinën e dimrit. Ne do japim një nga recetat që përdoret në këtë zonë,tavë ne oriz dhe presh, që është e shijshme, e shpejtë dhe ka një kosto të ulët.

Noodles – Makarona Orizi me Perime

Noodles është emri i makaronave të gjata tipike i kuzhinës aziatike e orientale. Janë pak a shumë të ngjashëm me makaronat spageti por 'noodles' janë me përbërje të ndryshme si psh. prej soje ose orizi. Në këtë recetë ne përgatisim noodles orizi me perime. është një pjatë e shijshme që këshillohet të hahet me shkopinj.