Rikthehemi me një recetë gatimi nga kuzhina shqiptare, tavë orizi me qofte. Ideale për tu përgatitur kur duhet të shtojmë një tavolinë për shumë persona.
Tavë orizi me qofte
Sasia: 6 persona
Kalori: 240kcal
Përbërësit
Për qoftet
- 500 gr mish i grirë
- 1 kokërr qepë
- 1 kokërr vezë
- 1 lugë gjelle bukë e bluar
- 10 gr kripë
- 5 gr piper i kuq
- 5 gr piper i zi
- 10 gr rigon
Për tavën
- 400 gr oriz
- 3 speca jeshil
- 3 speca të kuq
- 1 kokërr qepë
- 2 kokërr domate
- 10 ml vaj Ulliri
- 800 ml ujë
Përgatitja
Përgatitim qoftet
- Për të përgatitur këtë tavë orizi me qofte, si fillim në një enë hedhim mishin qepën e grirë në rende, vezën, bukën e bluar, kripë, erëza dhe i përziejmë. Pasi masa për qoftë është homogjene e lemë për 10 minuta të pushojë.
Hapi i dytë
- Grijmë qepën hollë dhe e kaurdisim pak në një enë me vaj ulliri. E lemë sa të karamelizohet qepa dhe shtojmë kripën, domatet pure. E kaurdisim për gati 5 minuta.
- Ndërkohë përgatitim qoftet me dorë dhe i radhitim në tavë. Shtojmë në tavë orizin, specat, qepën e kaurdisur, ujin e vluar.
- Tavën orizi me qofte e pjekim në furrë të nxehur në 200 °C për 10 minuta dhe 20 minuta në 150°.
- Tavë orizi me qofte është gati. E vendosim nëpër pjata dhe e shërbejmë.
Lexoni gjithashtu recetat per Oriz me perime, Pilaf orizi ose oriz me domate.
Ju bëftë mirë nga Artigatimit.com
