Rizoto me luleshtrydhe

Rizoto me luleshtrydhe është një pjatë e rafinuar. Kjo recetë është shumë e thjeshtë por që ka një shije shumë delikate. Këtë pjatë mund ta përgatisni dhe për një darkë romantike dhe do të ketë shumë efekt te personi që e shijon.

Rizoto me luleshtrydhe

Përbërësit

  • Për 4-5 persona

  • 300 gr oriz
  • 15-20 luleshtrydhe
  • 1 qepë e vogël
  • 2-3 lugë vaj ulliri
  • 200 ml verë e bardhë e athët ose spumante
  • pak kripë
  • pak piper të kuq
  • 30 gr gjalpë
  • 250 gr djathë parmixhan i grirë
  • pak majdanoz i grirë hollë

Përgatitja

  • Si fillim presim luleshtrydhet në copa ( lemë dy-tre luleshtrydhe të plota për zbukurim).
  • I vendosim të marinohen në verë.
  • Ndërkohë presim qepën hollë dhe e skuqim ngadalë në një tenxhere me pak vaj. Shtojmë orizin në të dhe e kavërdisim së bashku me qepën.
  • E shuajmë me pas me verën duke kulluar luleshtrydhet.
  • I hedhim pak kripë, piperin e kuq të grirë pak trashë.
  • I shtojmë ujë të ngrohtë ose brodo perimesh ngadalë derisa orizi të jetë zier. Kur orizi të jetë gjysëm i zier është momenti që të shtojmë luleshtrydhet. E trazojmë ngadalë.
  • Në fund heqim rizoton nga zjarri dhe i hedhim gjalpin e parmixhanin dhe e trazojmë me kujdes.
  • E përfundojmë rizoton me majdanoz të grirë hollë dhe disa luleshtrydhe të ndara gjysëm.
  • Shërbejmë rizoton me luleshtrydhe të ngrohtë të shoqëruar me një gotë verë të bardhë të mirë.

Notes

Përgatitja

Ju bëftë mirë!

risoto-luleshtrydhe-receta-gatimi-shqip-tryeza

164 Shares
Lini një Përgjigje

Adresa juaj email s’do të bëhet publike.

Recipe Rating




You May Also Like

Rizoto me lakër dhe djathë gorgonzola

Rizoto me djathë gorgonzola e lakër të bardhë dhe me një pluhur kanelle sipër është një pjatë e parë shumë e shijshme dhe e veçantë. Shija e fortë e djathit gorgonzola bashkohet me atë të kanellës dhe të lakrës së bardhë dhe na jep këtë pjatë fantastike.

Pilaf Orizi

Pilafi i orizit është një pjatë që në vendin tonë është shumë e njohur dhe shumë e përdorur. Në shumë raste pilafi nuk na del ashtu siç do ta donim. Me recetën e mëposhtme do të jeni të sigurt që pilafi i orizit do të jetë shumë i shijshëm.

Sallatë gruri

Sallata e grurit është një pjatë e freskët, ideale për stinën e verës. është një pjatë e ftohtë të cilën mund ta përgatisim edhe disa orë përpara se ta shërbejmë. Në këtë recetë ne kemi zgjedhur të përziejmë grurin me djathë, domate të freskëta e ullinj, por secili nga ju mund ta përziejë me gjithçka që dëshiron, sipas dëshirës e fantazisë suaj.

Oriz me perime

Oriz me perime ka variante të ndryshme për tu përgatitur. Po japim një recetë të thjeshtë por veçantia në këtë rast është tek orizi cilësor Olim.

Kunguj të rrumbullakët të mbushur me oriz dhe gorgonzola

Kungujt kanë vitaminë A dhe C dhe kanë pak kalori, rreth 95% e tyre është ujë. Ekzistojnë disa lloje kungujsh. Për këtë recetë kemi zgjedhur kungujt e rrumbullakët pasi janë më të përshtatshëm për mbushje. Mund ti mbushim në mënyra të ndryshme. Ne po japim një variant me oriz dhe djathë gorgonzola. Ky lloj djathi është tipik i Italisë (zona e Lombardisë dhe Piemonte). Gorgonzola është një djath i butë, kremoz që prodhohet me qumësht lope. Ka një shije të veçantë dhe të fortë. Në këtë recetë ky djath bashkohet me orizin që i jep një shije të veçantë.