Receta me Oriz
Komente nga Fb - Shkruaj një koment

Rizoto me luleshtrydhe

Përgatitja: 10 min - Pjekja: 30 min - Sasia: 4 Persona

Rizoto me luleshtrydhe është një pjatë e rafinuar. Kjo recetë është shumë e thjeshtë por që ka një shije shumë delikate. Këtë pjatë mund ta përgatisni dhe për një darkë romantike dhe do të ketë shumë efekt te personi që e shijon.


Përbërësit për Rizoto me luleshtrydhe

    Për 4-5 persona

  • 300 gr oriz

  • 15-20 luleshtrydhe

  • 1 qepë e vogël

  • 2-3 lugë vaj ulliri

  • 200 ml verë e bardhë e athët ose spumante

  • pak kripë

  • pak piper të kuq

  • 30 gr gjalpë

  • 250 gr djathë parmixhan i grirë

  • pak majdanoz i grirë hollë



Përgatitja

Si fillim presim luleshtrydhet në copa ( lemë dy-tre luleshtrydhe të plota për zbukurim).
I vendosim të marinohen në verë.

luleshtrydhe-receta-gatimi-shqip-oriz

Ndërkohë presim qepën hollë dhe e skuqim ngadalë në një tenxhere me pak vaj. Shtojmë orizin në të dhe e kavërdisim së bashku me qepën.
E shuajmë me pas me verën duke kulluar luleshtrydhet.
I hedhim pak kripë, piperin e kuq të grirë pak trashë.

I shtojmë ujë të ngrohtë ose brodo perimesh ngadalë derisa orizi të jetë zier. Kur orizi të jetë gjysëm i zier është momenti që të shtojmë luleshtrydhet. E trazojmë ngadalë.

risoto-luleshtrydhe-receta-gatimi-shqip-artigatimit

Në fund heqim rizoton nga zjarri dhe i hedhim gjalpin e parmixhanin dhe e trazojmë me kujdes.
E përfundojmë rizoton me majdanoz të grirë hollë dhe disa luleshtrydhe të ndara gjysëm.

Shërbejmë rizoton me luleshtrydhe të ngrohtë të shoqëruar me një gotë verë të bardhë të mirë.

Ju bëftë mirë!

risoto-luleshtrydhe-receta-gatimi-shqip-tryeza

Receta Gatimi

Shkruani komentin tuaj - Komente