Mantia është një recetë tradicionale e Kosovës. Mantia mund të përgatitet me mish viç, mish pule ose vetëm me gjalpë dhe kos sipër. Receta në vijim është një variant i mbushur me mish viçi.
Mantia
Sasia: 6 persona
Kalori: 340kcal
Përbërësit
Brumi për një tavë mesatare.
- 500 gr miell
- 250 ml uji
- 20 gr gjalpë
- 2 lugë vaj ulliri
- pak kripë
Për mbushjen e Mantia
- 250 gr mish i grirë viçi ose pule
- 3 kokrra qepë
- kripë
- piper i zi
- piper i kuq
- vaj ulliri
Përgatitja
Përgatitja e brumit
- Në fillim përgatitim brumin për mantia. Në një enë hedhim miellin, ujin, 2 lugë vaj ulliri dhe pak kripë. Punojmë brumin për gati 7-8 minuta. Brumin e mbështjellim me një qeskë kuzhine dhe e lemë të pushojë.
Mbushja e Mantia
- Ndërkohë që brumin e vendosim të pushojë, merremi me përgatitjen e mbushjes. Grijmë qepën hollë dhe i kaurdisim pak në një enë me vaj ulliri, sa të ulet masa. Më pas hedhim mishin dhe e kaurdisim në zjarr të ngadalshëm, derisa të mpikset lëngu i tij. Heqim mbushjen nga zjarri, hedhim kripë piper dhe e përziejmë mirë. Mbushja për mantia është gati.
Përgatitja finale
- Tashmë meremi me petët. Brumin e ndajmë në 12 toptha. Të gjithë topthat i hollojmë me pec (okllai) me diametër 25 cm. Petët e vogla i lyejmë në të gjithë sipërfaqen me pak gjalpë. Këto i vendosim njëra mbi tjetrën duke i ndarë 2 herë nga 6. Hollojmë 6 petët e para sa të mundemi dhe me anë të thikës e presim në katrore.
- Katroret i mbushim me nga një lugë nga mbushja që përgatitëm dhe e mbështjellim në 4 cepat .Kështu formohet një boçe e vogël. Boçen e çojmë me cepat poshtë, në një tavë të lyer me vaj. Kështu vazhdojmë me të gjitha katrorët që premë dhe me pjesën tjetër të petëve.
- Tavën me mantia e futim në furrë të para ngrohur në 200°C për 20 minuta.
- Receta tradicionale nga kuzhina kosovare Mantia është gati për tu shërbyer. I lëmë pak të ftohen dhe i shpërbejmë në pjata duke u munduar mos ti prishim pjesët.
Receta të tjera nga kuzhina shqiptare që mund të lexoni janë Kulaç me arra, Kernacka Korçe apo edhe flija.
Ju bëftë mirë nga Artigatimit.com
Na ndiqni në Instagram @ArtiGatimit dhe vendosni tag #artigatimit recetat që gatuani!
2 Comments
Komento nga Facebook!