Tavë me mish të grirë

33 Shares
33
0
0
Kjo tavë është një pjatë e dytë e shijshme dhe e veçantë. është me përbërje mishi të ndryshëm dhe mund ta shoqërojmë me sallatra të ndryshme ose patate në furrë.

Tavë me mish të grirë

Përbërësit

  • Përbërësit për 6-8 persona

  • 300 gr mish viçi i grirë
  • 300 gr mish derri i grirë
  • 300 gr mish viçi
  • 500 gr mëlçi pule
  • 2 feta bukë
  • pak qumësht
  • pak kripë
  • pak piper
  • pak rigon
  • pak nenexhik
  • pak borzilok
  • pak majdanoz
  • 2 thelpinj hudhre

Përgatitja

  • Marrim mishin e viçit dhe e presim në copa të vogla me anë të një thike. Grijmë me grirësin elektrik mëlçitë e pulës. Në një pjatë vendosim bukën dhe e lagim me qumësht që të regjet.
  • Në një enë të madhe hedhim mishin e grirë të viçit dhe të derrit. I përziejmë bashkë. Pastaj hedhim copat e mishit të viçit, mëlçitë e grira, erëzat e grira, bukën e regjur, kripë, piper dhe hudhrën e grirë. I përziejmë mirë të gjithë përbërësit derisa të arrijmë një masë homogjene.
  • Marrim një tavë furri ( është më mirë nëse është tavë balte) e lyejmë me pak vaj ulliri, hedhim në të masën e përgatitur. Marrim një tavë tjetër më të madhe se e para dhe e mbushim me ujë të ngrohtë.
  • Fusim në këtë të fundit tavën me mish dhe e fusim në furrë. E pjekim kështu në banjomaria përreth 45-50 minuta në 200°C. Më pas e heqim dhe e presim në copa.
  • Mishin e servirim të ngrohtë dhe të shoqëruar me një sallatë jeshile.

Notes

Ju bëftë mirë

33 Shares
3 comments
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Shishqebap me mish derri e perime

Shishqebapi përgatitet në mënyra të ndryshme. Mund ta përgatisim me mish derri, qengji, pule epo viçi të njomë. Ne, në këtë recetë i kemi përgatitur edhe me perime e salsiçe të freskëta. Shishqebapi përgatitet në çast, në momentin që do ta shërbejmë, pasi i ftohtë nuk ka shumë shije. Mishi i përgatitur shkohet në shufra druri ose metalike ose në degë dafine apo rozmarine, ( këto të fundit i japin akoma më shumë shije) dhe piqet në skarë apo mbi prush.

Mish qengji në furrë me anginare

Mishi i qengjit mund të gatuhet në shumë mënyra. Ne këmi sjellë një recetë ndryshe, e kemi shoqëruar këtë mish që ka një shije të fortë me angjinare të cilat e thyejnë këtë shije. Po kështu, gjithmonë për ti hequr mishit këtë aromë të fortë, përpara se ta përgatisim, e vendosim të marinohet me verë dhe erëza të ndryshme.

Qofte të vogla

Qoftet janë një ushqim që pëlqehet nga të gjithë. Janë një pjatë e dytë e shijshme por fare mirë mund të shërbehen edhe mbasdite të shoqëruar me një aperitiv. Ka shumë mënyra për të gatuar qoftet. Në masën e përgatitur për qoftet mund të fusim edhe perime. Kjo është një mënyrë e mirë për të bërë fëmijët të hanë edhe ato ushqime që në të vërtetë nuk i kanë ngrënë asnjëherë. Në këtë recetë, ne kemi sjellë një variant të përgatitjes së qofteve.

Si të gatuajmë Bretkosa të Skuqura

Bretkosa janë të pasura me proteina dhe këshillohen për të gjitha grupmoshat sepse asimilohen lehtë nga organizmi. Për përdorimin e bretkosave duhet të sigurohemi që ato janë kapur në ujëra të pastra.

Gjellë me qepë të njoma dhe Mish Qengji

Një recetë e thjeshtë gjellë me qepë të njoma dhe mish qengji. Dhe pse bukuria dhe shija e mishit të qengjit është pjekja në hell ose në skarë. Mishi i qengjit ofron përfitime shëndetësore të njëjta me mishin e viçit dhe duhet të konsiderohet si mish i kuq.