Receta per Pizza
Shkruaj një koment

Flija – Recetë Tradicionale Kosovare

Flija është një recetë tradicionale kosovare, por që gatuhet edhe në Shqipëri, krysisht në zonën e veriut. Sipas traditës, flija piqet në saç por mund ta pjekim edhe në sobë. Ajo është shumë e pëlqyer dhe idale për stinën e dimrit.

Përbërësit për Flija – Recetë Tradicionale Kosovare


  • 1 kg miell

  • 700 ml ujë

  • 200 gr gjalpë

  • 300 ml kos ose ajkë qumështi


Përgatitja e flisë

Në një enë hedhim miellin, kripën, ujin e vakët dhe i trazojmë sa të bëhet një brumë më i hollë se ai i petullave. Nëqoftëse brumi del i trashë mund ti shtojmë edhe pak ujë të vakët.
Në tepsinë e nxehur dhe të lyer me gjalpë hedhim pak nga kjo masë e brumit në formë shiritash dhe në mes në formë rrethore.
E futim tavën në furrin e nxehur në temperaturën 200 gradë. Flija sipas recetes tradicionale kosovare duhet të piqet në saç. Karakteristika e kësaj pjekje e bën flinë akoma më të shijshme.

Sipër kemi paraqitur dhe një foto të çerepit, të cikit i vihen dru nën të dhe mundëson nxehjen sipër. Gatimet me çerep janë nga më të hershme në ballkan.

Kur shohim që masa është pjekur disi, nxjerrim tepsinë nga furra dhe mbushim shiritat e tavës që janë bosh. Pra në pjesën tjetët të tavës. Në shiritat që janë pjekur hedhim gjalpë dhe ajkë ose kos.
E futim përsëri në furr. Kështu vazhdojmë derisa të na mbarojë masa e brumit.
Në pjesën e sipërme hedhim vetëm gjalpë. E lemë në furrë edhe pesë minuta dhe e nxjerrim nga furra.
Flija shërbehet e ngrohtë dhe shoqërohet me kos ose me djath.

Ju bëftë mirë nga Arti Gatimit

cover photo via shutterstock by upslim

Shkruani komentin tuaj - Komente