Pule e mbushur me fasule e sallam pikant është një pjatë e dytë që ia vlen të gatuhet e të shijohet. Shija e kësaj pjate është e veçantë pasi ndërthuret pikantja e sallamit me atë majhoshe të limonit. Përgatitja e pjatës është shumë e thjeshtë.
Pulë e mbushur me fasule
Prep Time20 mins
Cook Time40 mins
Total Time1 hr
Sasia: 6 persona
Kalori: 270kcal
Video
Përbërësit
- 1 pulë
- 300 gram sallam pikant
- 2 thelpinj hudhre
- 1 limon BIO
- 300 gram fasule të bardha të ziera
- kripë
- paprika pikante
- majdanoz
- vaj ulliri
- piper
Përgatitja
- Fillimisht për të pergatitur pulë e mbushur me fasule presim sallamin në copa.
- Në një tigan hedhim vaj ulliri dhe copat e sallamit. I kaurdisim së bashku. Më pas shtojmë fasulet,pak kripë,pak piper dhe paprika pikante. Në fund shtojmë edhe majdanoz të grirë. Fikim zjarrin,mbushja është gati.
- Ndërkohë marrim pulën dhe e lyejmë (i bëjmë masazh ) me thelpinjtë e hudhrës.
- Më pas mbushim pulën me mbushjen e përgatitur e në fund vendosim limonin kokërr për ta mbyllur në mënyrë që të mos dalë mbushja. Lidhim me fill kuzhine dy kofshat e pulës.
- Vendosim pulën në tavë dhe i hedhim sipër vaj ulliri e kripë.
- Vendosim pulën të piqet në furrë të nxehtë 200°C përreth 40-50 minuta. (Duhet të kemi kujdes që pula të marrë ngjyrë nga të dyja krahët).
- Pasi është pjekur nxjerrim pulën e mbushur me fasule dhe e servirim të nxehtë. Sipas dëshirës mund të pritet limoni dhe të shtrydhet mbi mishin.
Receta për pule role me arra
Ju bëftë mirë!
Nëse keni pyetje, këshilla po vërejte, na i shkruani ato ne komente!
Na ndiqni në Instagram @ArtiGatimit dhe vendosni tag #artigatimit recetat që gatuani!
Komento nga Facebook!