Tava me mish e qepë është një pjatë e dytë që ia vlen ta provosh ta gatuash dhe ta shijosh në shoqërinë e familjes.
Kjo recete gatimi me mish viçi është shumë i thjeshtë për tu bërë dhe nuk të merr shumë kohë në përgatitje.
Mish me qepe në furrë
Sasia: 4 persona
Përbërësit
- 600-700 gr mish viçi pjesa e muskulit
- 8-9 kokrra qepë
- 10 kokrra kumbulla të thata
- 4-5 gjethe dafine
- 1 maj luge kripë të trashë
- 1 luge gjelle vaj ulliri
- 1 maj luge piper
- 100 ml verë e kuqe
Përgatitja
- Marrim mishin dhe e presim në copa jo shumë të vogla.
- Qërojmë dhe lajmë qepët. Nëse janë shumë të mëdha i presim në gjysmë.
- Vendosim mishin në një tavë dhe bashkojmë qepët . Hedhim në të dhe kumbullat e thata, gjethet e dafinës. Sipër hedhim kripën aq sa duhet, pak piper dhe vaj ulliri.
- Vendosim tavën të piqet në furrë të nxehtë 200°C përreth 20 minuta. Më pas i shtojmë verën dhe e lemë të piqet ngadalë përreth 30 minuta.
- Nëse e shikoni që sipër mishi është skuqur shumë mund ti vendosni tavës sipër letër alumini.
- Pasi është pjekur e vendosim nëpër pjata dhe e shërbejmë mishin të ngrohtë të shoqëruar nga një gotë verë të kuqe të cilësisë të mirë.
Ju bëftë mirë nga Arti Gatimit!
Shfletoni te tjera receta gatimi gjellera dhe mos harroni të na bëni TAG kur të gatuani recetën.
